ଚକଟା ଅଟାକୁ ଫ୍ରିଜ୍‌ରେ ରଖୁଥିଲେ ଧ୍ୟାନ ଦିଅନ୍ତୁ ଏହି ତିନୋଟି ତଥ୍ୟ ଉପରେ

ଭୁବନେଶ୍ୱର(ଓଡ଼ିଶା ରିପୋର୍ଟର): ପ୍ରାୟ ସମୟରେ ମହିଳାମାନେ ସମୟ ବଞ୍ଚାଇବା ପାଇଁ ଅଟା ଚକଟି ଫ୍ରିଜ୍‌ରେ ରଖି ଦିଅନ୍ତି। ଏହାକୁ ଦୁଇ ତିନି ଦିନ ଯାଏ ବ୍ୟବହାର କରନ୍ତି। କିନ୍ତୁ ଆପଣ ଜାଣିଛନ୍ତି କି, ଆପଣଙ୍କର ଏହି ଅଭ୍ୟାସ ସ୍ୱାସ୍ଥ୍ୟ ପାଇଁ ଖୁବ୍ ହାନିକାରକ ହୋଇଥାଏ। ତା’ହେଲେ ଆଜି ହିଁ ଜାଣି ନିଅନ୍ତୁ, କାହିଁକି ଅଟାକୁ ଚକଟି ଫ୍ରିଜ୍‌ରେ ରଖିବା ଅନୁଚିତ୍।

ବିଶେଷଜ୍ଞଙ୍କ ତଥ୍ୟ

ବିଶେଷଜ୍ଞଙ୍କ ଅନୁସାରେ ଅଟା ଚକଟିବାର ସଙ୍ଗେ ସଙ୍ଗେ ହିଁ ଏହାକୁ ବ୍ୟବହାର କରିବା ଆବଶ୍ୟକ। ଏହାକୁ ଫ୍ରିଜ୍‌ରେ ରଖିଲେ ଫ୍ରିଜ୍‌ର ହାନିକାରକ ଲାଇଟ୍‌ ଅଟାକୁ ଖରାପ କରିଥାଏ। ଯାହା ଆମ ଶରୀର ପାଇଁ ହାନିକାରକ ହୋଇଥାଏ।

ଆୟୁର୍ବେଦିକ ତଥ୍ୟ

ଏହି ବିଷୟରେ ଆର୍ୟୁବେଦିକ ତଥ୍ୟ ମଧ୍ୟ ଦିଆଯାଇଛି। ଫ୍ରିଜ୍‌ରେ ବାସି ଅଟା ରଖିବା ଅର୍ଥ ବାସି ରୁଟି ଖାଇବା ସଙ୍ଗେ ସମାନ ହୋଇଥାଏ। ସଙ୍ଗେ ସଙ୍ଗେ ଅଟା ଚକଟା ହୋଇ ତିଆରି ହୋଇଥିବା ରୁଟି ଏବଂ ଫ୍ରିଜ୍‌ରେ ରହିଥିବା ଅଟାର ରୁଟିରେ ଅଲଗା ସ୍ୱାଦ ବୋଲି ଆପଣ ମଧ୍ୟ ଅନୁଭବ କରିଥିବେ।

ଧାର୍ମିକ କାରଣ

ଶାସ୍ତ୍ରରେ କୁହାଯାଇଛି ଯେ, ବାସି ଖାଦ୍ୟ ଭୂତର ଖାଦ୍ୟ ସହ ସମାନ ହୋଇଥାଏ। ଯେତେବେଳେ ଘରେ ବଳି ଯାଇଥିବା ଅଟା ଆମେ ଫ୍ରିଜ୍‌ରେ ଆମେ ରଖିଥାଉ, ଭୂତମାନଙ୍କର ଏହା ଉପରେ ନଜର ପଡ଼ିଥାଏ। ଯେଉଁମାନଙ୍କ ଘରେ ଏହି ପରି ଅଟା ଫ୍ରିଜ୍‌ରେ ରଖାଯାଇଥାଏ, ସେମାନଙ୍କ ଘରେ ସବୁବେଳେ କିଛି ନା କିଛି ପ୍ରକାରର ରୋଗ ଲାଗି ରହିଥାଏ।