ଭୁବନେଶ୍ୱର (ଓଡ଼ିଶା ରିପୋର୍ଟର): ଘରେ କଖାରୁରେ କୌଣସି ବ୍ୟଞ୍ଜନ ପ୍ରସ୍ତୁତ ହେଲେ, ଆପଣ ଏହା ଖାଇବାକୁ ମନା କରନ୍ତି। କାରଣ କଖାରୁର ସ୍ୱାଦ ଆପଣଙ୍କୁ ଭଲ ଲାଗି ନଥାଏ। କିନ୍ତୁ ପାଟିକୁ ସେପରି ସୁଆଦିଆ ନ ହେଲେ ମଧ୍ୟ ଏହି ପରିବାରେ ଅନେକ ଔଷଧୀୟ ଗୁଣ ରହିଛି।
କଖାରୁରେ ଭିଟାମିନ୍ ବି-୬, ଫାଇବର୍, ଫୋଲେଟ୍, ଭିଟାମିନ୍ ଏ', ଭିଟାମିନ୍ ସି',ପୋଟାସିୟମ୍, କପର୍, ମ୍ୟାଗ୍ନେସିୟମ୍ ଏବଂ ଭିଟାମିନ୍ ଇ' ଆଦି ପୋଷକ ତତ୍ତ୍ୱ ପ୍ରଚୁର ମାତ୍ରାରେ ରହିଛି।
କଖାରୁ ଖାଇବା ଦ୍ୱାରା ଶରୀରର ଇମ୍ୟୁନୋ ସିଷ୍ଟମ୍ ମଜବୁତ୍ ହେବା ସହିତ ତ୍ୱଚା ଓ କେଶର ସୌନ୍ଦର୍ଯ୍ୟ ମଧ୍ୟ ବୃଦ୍ଧି ହୋଇଥାଏ।
ଏହାର ଆହୁରି ଅନେକ ଫାଇଦା ରହିଛି। ଆସନ୍ତୁ ଜାଣିବା ସେଗୁଡ଼ିକ କ’ଣ।
ଦୃଷ୍ଟି ଶକ୍ତି ବୃଦ୍ଧି କରେ: କଖାରୁରେ ଭିଟାମିନ୍ ଏ' ପ୍ରଚୁର ମାତ୍ରାରେ ରହିଛି। ଯାହା ଆଖିର ରଶ୍ମୀ ବୃଦ୍ଧି କରିବାରେ ସହାୟକ ହୋଇଥାଏ। ଗୋଟିଏ କପ୍ କଖାରୁ ରସ ପ୍ରତିଦିନ ସେବନ କରିବା ଦ୍ୱାରା ଦୃଷ୍ଟି ଶକ୍ତି ବୃଦ୍ଧି ପାଇଥାଏ।
ଶରୀରକୁ ବିଭିନ୍ନ ରୋଗରୁ ସୁରକ୍ଷା ଦିଏ: କଖାରୁରେ ଆଣ୍ଟିଅକ୍ସିଡାଣ୍ଟ୍ ରହିଛି। ଯାହା ଶରୀରକୁ ଅକ୍ସିଡାଇଜ୍ କରି ରୋଗପ୍ରତିରୋଧ ଶକ୍ତିକୁ ବଢ଼ାଇଥାଏ। ଏହି କାରଣରୁ ଆପଣଙ୍କୁ ରୋଗ ମଧ୍ୟ କମ୍ ହୋଇଥାଏ।
ଓଜନ ହ୍ରାସ କରେ: କଖାରୁରେ କମ୍ ପରିମାଣର କ୍ୟାଲୋରୀ ଏବଂ ଅଧିକ ମାତ୍ରାରେ ଫାଇବର୍ ଥାଏ। ଏଣୁ କଖାରୁ ଖାଇବା ପରେ ଭୋକ କମ୍ ଲାଗିଥାଏ। ଯାହା ଦ୍ୱାରା ଆପଣଙ୍କ ଓଜନ ହ୍ରାସ ହୋଇଥାଏ।
ତ୍ୱଚାକୁ ସୁନ୍ଦର ରଖେ: କଖାରୁରେ ଭିଟାମିନ୍ ଏ', ସି' ଓ ଭିଟା-କେରାଟିନ୍ ତତ୍ତ୍ୱ ରହିଛି। ଯାହା ପ୍ରାକୃତିକ ଉପାୟରେ ତ୍ୱଚାକୁ ସୁନ୍ଦର ରଖିଥାଏ। କଖାରୁ ଖାଇଲେ ସୌନ୍ଦର୍ଯ୍ୟ ମଧ୍ୟ ବୃଦ୍ଧି ହୋଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
