ସମସ୍ତଙ୍କ ସହ ଭଲ ସମ୍ପର୍କ ଜଣେ ବ୍ୟକ୍ତିର ବ୍ୟକ୍ତିତ୍ୱକୁ ପରିପ୍ରକାଶ କରିଥାଏ। ଏହା ସାମାଜିକ ମର୍ଯ୍ୟାଦା ବୃଦ୍ଧି କରିବା ସହ ପାରିବାରିକ ଜୀବନରେ ସୁଖଶାନ୍ତି ଆଣିଥାଏ। ବିଶେଷ କରି ଜୀବନ ସାଥୀ ସହ ସମ୍ପର୍କ ଉତ୍ତମ ହେବା ଆବଶ୍ୟକ। ଏହାଦ୍ୱାରା ଆପଣଙ୍କ ଦାମ୍ପତ୍ୟ ଜୀବନ ସୁଖମୟ ହୋଇପାରିବ। ଏହା ସେତେବେଳେ ସମ୍ଭବ ହେବ ଯେତେବେଳେ ଆପଣଙ୍କ ସ୍ୱଭାବ ଭଲ ହେବ। ତେବେ ଜ୍ୟୋତିଷ ଶାସ୍ତ୍ର ଅନୁସାରେ ରାଶି ବ୍ୟକ୍ତିର ସ୍ୱଭାବ, ଶିକ୍ଷା ଓ ସଂସ୍କାର ଉପରେ ପ୍ରଭାବ ପକାଇଥାଏ। କେଉଁ ରାଶିର ଦମ୍ପତି ସୁଖମୟ ପରିବାର ନିର୍ବାହ କରନ୍ତି ଆସନ୍ତୁ ଜାଣିବା।
ମିଥୁନ ଓ ତୁଳା: ଏମାନଙ୍କ ମଧ୍ୟରେ ସଂପର୍କ ଭଲ ରହେ। ଏହି ରାଶିର ଯୋଡି ସମ୍ପର୍କରେ କେବେ କୌଣସି ସମସ୍ୟା ଦେଖାଯାଇ ନ ଥାଏ। ଉଭୟେ ନିଜ ସଂପର୍କକୁ ନେଇ ଖୁସିରେ ରହିଥାନ୍ତି।
ତୁଳା ଓ ସିଂହ: ଏହି ରାଶିର ଯୋଡ଼ି ଉଭୟଙ୍କୁ ସମାନ ଗୁରୁତ୍ୱ ଦେଇଥାନ୍ତି। ଉଭୟଙ୍କର ଆଚାର ବ୍ୟବହାର ଓ ଚାଲିଚଳନ ମେଳ ଖାଇଥାଏ। ଏମାନେ ଫରଫେକ୍ଟ ପାର୍ଟନର ହୋଇଥାନ୍ତି।
ସିଂହ ଓ ଧନୁ: ଏମାନେ ଉଭୟଙ୍କ ପ୍ରତି ବିଶ୍ୱାସୀ ହୋଇଥାନ୍ତି। ଧନୁ ରାଶିର ବ୍ୟକ୍ତି ସିଂହ ରାଶି ପ୍ରତି ଆକର୍ଷିତ ହୋଇଥାନ୍ତି। ସିଂହ ରାଶିର ବ୍ୟକ୍ତି ଧନୁ ରାଶିକୁ ସବୁବେଳେ ସମର୍ଥନ ଓ ସହଯୋଗ କରିଥାନ୍ତି।
ସିଂହ ଓ କୁମ୍ଭ: ଏମାନଙ୍କ ସଂପର୍କ ଭଲ ରହିଥାଏ। ଏହି ରାଶିର ଯୋଡ଼ିଙ୍କୁ ଦେଖିଲେ ମନ ମୋହିଯିବ। ଉଭୟ ଉଭୟଙ୍କୁ ସବୁ ବେଳେ ସହଯୋଗର ହାତ ବଢାଇଥାନ୍ତି।
ମେଷ ଓ କୁମ୍ଭ: ଏମାନେ ପରସ୍ପରକୁ ବହୁତ ବିଶ୍ୱାସ କରନ୍ତି। ସବୁବେଳେ କିଛି ନୂଆ କରି ଦେଖାଇବାକୁ ଚାହିଁଥାନ୍ତି। ସବୁବେଳେ ଉଭୟ ସାଙ୍ଗ ହୋଇ ରହିବାକୁ ଭଲ ପାଇଥାନ୍ତି।
କୁମ୍ଭ ଓ ମିଥୁନ: ଏମାନେ ମଧ୍ୟରେ ଆକର୍ଷଣ ବହୁତ ରହିଥାଏ। ସୁଖଦୁଃଖ ଯାହା ବି ସମୟ ହୋଇଥାଉ କେହି କାହାର ହାତ ଛାଡି ନ ଥାନ୍ତି।
ବୃଷ ଓ କନ୍ୟା: ବୃଷ ଓ କନ୍ୟା ରାଶିର ବ୍ୟକ୍ତିଙ୍କ ମଧ୍ୟରେ ସମ୍ପର୍କ ନିବିଡ ହୋଇଥାଏ। ଏମାନେ ସବୁବେଳେ ପରିବାର ସହ ସଂପର୍କ ରଖିବାକୁ ଭଲ ପାଇଥାନ୍ତି।
କନ୍ୟା ଓ ମକର: କନ୍ୟା ରାଶି ବ୍ୟକ୍ତି ମକର ବ୍ୟକ୍ତିଙ୍କ ଭଲ ପାର୍ଟନର ସ୍ୟାବସ୍ତ ହୋଇଥାନ୍ତି। ବିଶ୍ୱାସୀ ଓ ସହଯୋଗୀ ହୋଇଥାନ୍ତି। ଫଳରେ ଏମାନଙ୍କ ପାରିବାରିକ ଜୀବନ ସୁଖମୟ ହୋଇଥାଏ।
ସୌଜନ୍ୟ: ୟଙ୍ଗିସ୍ତାନ