ସିଙ୍ଗାପୁର ପରେ ହଂକଂ ବ୍ୟାନ୍ କଲା ଲୋକପ୍ରିୟ ଭାରତୀୟ ମସଲା ବ୍ରାଣ୍ଡ MDH ଏବଂ Everest । ଏହି ଦୁଇ ଭାରତୀୟ ମସଲା ମିଶ୍ରଣରେ କର୍ସିନୋଜେନିକ୍ କୀଟନାଶକ ଏଥିଲିନ ଅକ୍ସାଇଡର ଥିବା ଦର୍ଶାଇ ପ୍ରଥମେ ସିଙ୍ଗାପୁର ଏହାକୁ ବ୍ୟାନ୍ କରିଥିଲା। ପରବର୍ତ୍ତୀ ସମୟରେ ହଂକଂ ସରକାର MDH ଏବଂ Everest ଉପରେ ପ୍ରତିବନ୍ଧକ ଲଗାଇଛନ୍ତି।
ହଂକଂ ସରକାରଙ୍କ ଖାଦ୍ୟ ନିରାପତ୍ତା କେନ୍ଦ୍ର(CFS) କହିଛି ଯେ, MDH ଗ୍ରୁପ୍ - ମାଡ୍ରାସ କରୀ ପାଉଡର, ସମ୍ୱର ମସାଲା ପାଉଡର ଏବଂ କରୀ ପାଉଡରରୁ ଏଥିଲିନ ଅକ୍ସାଇଡ ମିଶିଥିବା ଜଣାପଡିଛି।
Also Read
CFS ଏକ ବିବୃତ୍ତିରେ କହିଛି ଯେ, "ସଂସ୍ଥା ଏହାର ନିୟମିତ ଖାଦ୍ୟ ନୀରିକ୍ଷଣ କାର୍ଯ୍ୟକ୍ରମ ଅଧୀନରେ ବଜାରରେ ଉପଲବ୍ଧ ତିନୋଟି ମସଲା ପ୍ରଡକ୍ଟ ନମୁନା ସଂଗ୍ରହ କରି ପରୀକ୍ଷା ନୀରିକ୍ଷା କରିଥିଲା। ପରୀକ୍ଷା ଫଳାଫଳରୁ ଜଣାପଡିଛି ଯେ, ଏହି ନମୁନାରେ କୀଟନାଶକ, ଏଥିଲିନ୍ ଅକ୍ସାଇଡ୍ ରହିଛି। ଏନେଇ ସଂସ୍ଥା ପକ୍ଷରୁ ସମ୍ପୃକ୍ତ ବିକ୍ରେତାଙ୍କୁ ସୂଚାଇ ଦିଆଯାଇଛି।"
ଏସବୁ ମସଲା ପ୍ରଡକ୍ଟର ବିକ୍ରୟ ବନ୍ଦ ଏବଂ ବଜାରରୁ ହଟାଇ ନେବାକୁ ନିର୍ଦ୍ଦେଶ ଦିଆଯାଇଥିବା CFS କହିଛି। ସଂସ୍ଥା ଆହୁରି କହିଛି ଯେ, ଏଭରେଷ୍ଟ ଗ୍ରୁପ୍ର ଫିସ୍ କରୀ ମସାଲାରେ ମଧ୍ୟ କୀଟନାଶକ ଏଥିଲିନ ଥିବା ଜଣାପଡିଛି। ଇଣ୍ଟରନ୍ୟାସନାଲ ଏଜେନ୍ସି ଫର ରିସର୍ଚ୍ଚ ଅନ୍ କ୍ୟାନସର ଏଥିଲିନ ଅକ୍ସାଇଡକୁ ଗ୍ରୁପ୍-୧ କାର୍ସିନୋଜେନ ଭାବେ ବର୍ଗୀକୃତ କରିଛି, ଯାହା ସ୍ତନ କର୍କଟ ଭଳି ଗୁରୁତର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିଥାଏ।
ଏସବୁ କାରଣ ଦର୍ଶାଇ ସିଙ୍ଗାପୁର ପରେ ଏବେ ହଂକଂ ଭାରତର ଏହି ଦୁଇ ମସଲା ପ୍ରଡକ୍ଟ ଉପରେ ପ୍ରତିବନ୍ଧକ ଲଗାଇଛନ୍ତି। କିନ୍ତୁ ଭାରତ ସରକାର ଏପରି କୌଣସି ପଦକ୍ଷେପ ନେଇନାହାନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
