ବଜାରରେ ନକଲି ସାମଗ୍ରୀ ବିକ୍ରୟ ମଧ୍ୟରେ ଗ୍ରାହକ ଏବେ ଚିନ୍ତାରେ। କେଉଁ ସାମଗ୍ରୀ କିଣିବେ, କେଉଁଟା ନୁହେଁ ସେଥିପାଇଁ ଦ୍ୱନ୍ଦ୍ୱରେ ପଡିଛନ୍ତି ଗ୍ରାହକ। 'ଘିଅ କେବେ ନଷ୍ଟ ହୁଏନି' ବୋଲି ଏକ ପ୍ରଚଳିତ ଭାବନା ଅଛି, ତଥାପି ବର୍ତ୍ତମାନ ସମୟରେ ଲୋକେ ଘିଅ କିଣିବା ବେଳେ ଦି' ଥର ଭାବୁଛନ୍ତି। କାରଣ ବଜାରରେ ଏବେ ଅପମିଶ୍ରିତ ଘିଅ ମିଳୁଛି, ଯାହା ଅବିକଳ ଅସଲି ଘିଅ ପରି।
ଏପରି ସ୍ଥିତିରେ କେଉଁଟା ଅସଲି ଘିଅ ଓ କେଉଁଟା ନକଲି ଜାଣିବେ କିପରି। ଆଜିର ଏହି ଆଲେଖ୍ୟରେ ଆମେ ଆପଣଙ୍କୁ କେତୋଟି ଉପାୟ ବତାଇବୁ, ଯାହାକୁ ପ୍ରୟୋଗ କରି ନକଲିଠୁ ଦୂରେଇ ପାରିବେ...
ଘିର ଶୁଦ୍ଧତା ଜାଣିବା ପାଇଁ 3ଟି ସହଜ ଉପାୟ
ପଦ୍ଧତି ୧: ଟେକ୍ସଚର ପରୀକ୍ଷା
ପଦ୍ଧତି ୨: ତାପମାତ୍ରା ପରୀକ୍ଷା
ଏକ ଚାମଚ ଘିଅ ନିଅନ୍ତୁ, ଏହାକୁ ଗରମ କରନ୍ତୁ। ସମ୍ପୂର୍ଣ୍ଣ ରୂପେ ତରଳିବା ପର୍ଯ୍ୟନ୍ତ ଅପେକ୍ଷା କରନ୍ତୁ। ଯଦି ଏହା ସମ୍ପୂର୍ଣ୍ଣ ରୂପେ ତରଳି ବାଦାମୀ ରଙ୍ଗର ହୋଇଯାଉଛି, ତେବେ ଶୁଦ୍ଧ ବୋଲି ଧରି ନିଅନ୍ତୁ। ଆଉ ଯଦି ଘିଅ ତରଳିବାକୁ ଅଧିକ ସମୟ ନିଏ ଏବଂ ହଳଦୀଆ ରଙ୍ଗ ଦେଖାଯାଏ, ତେବେ ନକଲି ବୋଲି ଜାଣିରଖନ୍ତୁ।
ପଦ୍ଧତି ୩: ବୋତଲ ପରୀକ୍ଷା
ଘିଅର ଶୁଦ୍ଧତା ପରୀକ୍ଷା କରିବାର ଆଉ ଏକ ସରଳ ଉପାୟ ହେଉଛି ଏହାକୁ ଏକ ସ୍ୱଚ୍ଛ ବୋତଲକୁ ସ୍ଥାନାନ୍ତର କରିବା ଏବଂ ଏଥିରେ କିଛି ଚିନି ମିଶାଇବା। ପ୍ରଥମେ ଏକ ବୋତଲରେ କିଛି ଘିଅ ନିଅନ୍ତୁ ଏବଂ ଏଥିରେ ଚିନି ପକାନ୍ତୁ। ଏହାପରେ ଠିପି ବନ୍ଦ କରି ଭଲ ଭାବେ ଫେଣ୍ଟି ଦିଅନ୍ତୁ। କିଛି ସମୟ ବ୍ୟବଧାନ ପରେ ଯଦି ବୋତଲ ତଳେ କୌଣସି ଲାଲ୍ ରଙ୍ଗର ଜମାଟ ଦେଖୁଛନ୍ତି, ତେବେ ଏହା ଅପମିଶ୍ରିତ ହୋଇଛି।