"ଚାଲି ଯାଅ ହୋଇ ଖୁସି "

ଏ ହାତ ମୋହର ଲୁହ ଲହୁ ଘେନି କେତେ ଯେ ଲେଖିଛି ଚିଠି, ମୋ ଛାତି କହିବ କେତେ ଯେ ଯନ୍ତ୍ରଣା ଆଘାତ ପାଇଛି ପିଠି ।୧। ଭାବନା ମଣ୍ଡପେ ବସାଇ ତୁମକୁ ହେଲିଣି ଜଳନ୍ତା ନିଆଁ ନିଆଁ ଲିଭି ଏବେ ପାଉଁଶ ହେଲାଣି ନ କହିଲ ଥରେ ଆହା ।୨। ବୁଝି ପାରିଲିନି ଜୀବନଟି ଥିଲେ ସମସ୍ୟା ବି ରହିଥିବ ସମସ୍ୟା ନଥିବା ଜୀବନକୁ ପ୍ରିୟା ଜୀବନ କି କୁହାଯିବ ।୩। ଗଛଭାଙ୍ଗି ଗଲେ ନୂଆପତ୍ର […]

poem

poem

Puspanjali Panda
  • Published: Thursday, 26 December 2019
  • Updated: 26 December 2019, 03:03 PM IST

Sports

Latest News

ହାତ ମୋହର
ଲୁହ ଲହୁ ଘେନି
କେତେ ଯେ ଲେଖିଛି ଚିଠି,
ମୋ ଛାତି କହିବ
କେତେ ଯେ ଯନ୍ତ୍ରଣା
ଆଘାତ ପାଇଛି ପିଠି ।୧।

ଭାବନା ମଣ୍ଡପେ
ବସାଇ ତୁମକୁ
ହେଲିଣି ଜଳନ୍ତା ନିଆଁ
ନିଆଁ ଲିଭି ଏବେ
ପାଉଁଶ ହେଲାଣି
ନ କହିଲ ଥରେ ଆହା ।୨।

ବୁଝି ପାରିଲିନି
ଜୀବନଟି ଥିଲେ
ସମସ୍ୟା ବି ରହିଥିବ
ସମସ୍ୟା ନଥିବା
ଜୀବନକୁ ପ୍ରିୟା
ଜୀବନ କି କୁହାଯିବ ।୩।

ଗଛଭାଙ୍ଗି ଗଲେ
ନୂଆପତ୍ର ମେଲେ
ଆଗରୁ ଅଛି କଥାଟି
ବସାଭାଙ୍ଗି ଗଲେ
ପକ୍ଷୀ ପୁଣି ଥରେ
ଗଢ଼େ ଦେଇ କୁଟାକାଠି ।୪।

ଶୁଖିଲା ଜୀବନ
ଅବୁଝା ପରାଣ
ବୁଝାଇଲେ ବୁଝେ ନାହିଁ
ଥିଲୁ ଦିନେ ମୋର
ଆଜି ତୁ କାହାର
ଭୁଲିବି କିପରି ମୁହିଁ ।୫।

ଏ ଜନମେ ପଛେ
ନ ପାଇଲି ନାହିଁ
ମଶାଣିରେ ହସିହସି
କହିବି ମୋହର
ପାଉଁଶ ଉପରେ
ଚାଲି ଯାଅ ହୋଇ ଖୁସି ।୬।

କବି ଶେଖର -ନିକୁଞ୍ଜ ବିହାରୀ ମିଶ୍ର
ଝାରସୁଗୁଡ଼ା
ମୋ-୯୧୭୮୮୭୯୪୦୬

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos