ଭୁବନେଶ୍ୱର (ଓଡ଼ିଶା ରିପୋର୍ଟର): ଭାଦ୍ରବ ଶୁକ୍ଳ ଚତୁର୍ଦ୍ଦଶୀକୁ ଅନନ୍ତ ଚତୁର୍ଦ୍ଦଶୀ ବ୍ରତ ଭାବେ ପାଳନ କରାଯାଇଥାଏ। ଚଳିତବର୍ଷ ସେପ୍ଟେମ୍ବର ୨୩ ଅର୍ଥାତ୍ ଆସନ୍ତାକାଲି ଏହି ବ୍ରତ ପାଳନ କରାଯିବ।
ଅନନ୍ତ ଦେବ ଭଗବାନ ବିଷ୍ଣୁଙ୍କର ଏକ ନାମ। ଏହି କାରଣରୁ ଘରେ ଓ ବିଭିନ୍ନ ଧାର୍ମିକ ଅନୁଷ୍ଠାନରେ ସତ୍ୟନାରାୟଣ ବ୍ରତ ଓ କଥା ଆୟୋଜନ କରାଯାଇଥାଏ। ଏଥିରେ ସତ୍ୟନାରାୟଣ କଥା ସହ ଅନନ୍ତ ଦେବଙ୍କ କଥା ମଧ୍ୟ ଶୁଣିବାକୁ ମିଳିଥାଏ।
ଆସନ୍ତୁ ଜାଣିବା, ଅନନ୍ତ ଚତୁର୍ଦ୍ଦଶୀରେ କେମିତି ପୂଜା କରିବେ ?
୧. ସକାଳୁ ଉଠି ସ୍ନାନ କରିବା ପରେ କଳସ ସ୍ଥାପନ କରନ୍ତୁ।
୨. କଳସରେ ଅଷ୍ଟଦଳ ପଦ୍ମ ଅଙ୍କିତ ଥାଳିରେ କୁଶରେ ନିର୍ମିତ ଅନନ୍ତଙ୍କ ସ୍ଥାପନା କରନ୍ତୁ।
୩. ଏହା ଆଗରେ କୁଙ୍କୁମ, କେଶର କିମ୍ବା ହଳଦୀ ରଙ୍ଗରେ ରଙ୍ଗା ଯାଇଥିବା ଡୋରିରେ ୧୪ଟି ଗଣ୍ଠି ପକାଇ ‘ଅନନ୍ତ’ ପ୍ରସ୍ତୁତ କରି ରଖନ୍ତୁ।
୪. କୁଶରେ ଅନନ୍ତଙ୍କ ବନ୍ଦନା କରି ଏଥିରେ ଭଗବାନ ବିଷ୍ଣୁଙ୍କ ଆବାହନ ତଥା ଧ୍ୟାନ କରି ଗନ୍ଧ, ଅକ୍ଷତ, ଫୁଲ, ଧୂପ, ଦୀପ, ନୈବେଦ୍ୟ ଆଦିରେ ପୂଜା କରନ୍ତୁ।
୫. ଏହାପରେ ଅନନ୍ତ ଦେବଙ୍କ ଧ୍ୟାନ କରି ଡୋରିରେ ଗଣ୍ଠି ପକାଯାଇ ପ୍ରସ୍ତୁତ କରାଯାଇଥିବା ଶୁଦ୍ଧ ଅନନ୍ତକୁ ନିଜ ଡାହାଣ ବାହୁରେ ବାନ୍ଧନ୍ତୁ।
୬. ଏହି ଡୋରି ଭଗବାନ ବିଷ୍ଣୁଙ୍କ ପ୍ରସନ୍ନ କରିଥାଏ ଓ ଅନନ୍ତ ଫଳ ଦେଇଥାଏ । ଏହି ବ୍ରତ ପାଳନ କଲେ ଧନପ୍ରାପ୍ତି ହୋଇଥାଏ ବୋଲି ବିଶ୍ୱାସ ରହିଛି।
୭. ଏହିଦିନ ନୂଆ ଅନନ୍ତ ଡୋର ପିନ୍ଧିବା ପରେ ପୁରୁଣା ଡୋରକୁ ବାହାର କରି ଦିଅନ୍ତୁ।
୮. ଏହାସହ ନିଜ କ୍ଷମତା ଅନୁସାରେ ବ୍ରାହ୍ମଣଙ୍କୁ ଦାନ କରି ବ୍ରତ ପାଳନ କରନ୍ତୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
