ଇଣ୍ଟରନେଟରେ ପାଳିଲେ ‘ଖୋକା ଭାଇ’ଙ୍କ ଜନ୍ମଦିନ, ଯୋଗଦେଲେ ଅକ୍ଷୟ ପ୍ରେମୀ

ଭୁବନେଶ୍ୱର: କୋଭିଡ୍ ପାଇଁ ଏଥର ଫିକା ଫିକା ସବୁ ଉତ୍ସବ। କିନ୍ତୁ ଅକ୍ଷୟ ମହାନ୍ତିଙ୍କ ଜନ୍ମଦିନକୁ ଓଡ଼ିଆ ସଙ୍ଗୀତପ୍ରେମୀ ପାଳନ କରିଛନ୍ତି ନିଆରା ଢଙ୍ଗରେ। ଟ୍ଵିଟରରୁ ଏକାଠି ହୋଇ ‘ଖଟି ଜମିବ’ ନାମରେ ଗଢ଼ିଉଠିଥିବା ଏକ ପରିବାର ପକ୍ଷରୁ ପାଳିତ ହୋଇଛି ‘ସ୍ମୃତି ତୁମେ ଅକ୍ଷୟ’। ଅକ୍ଷୟଙ୍କ ସହ ସ୍ମୃତି ବଖାଣିବାକୁ ଯୋଗ ଦେଇଥିଲେ ତାଙ୍କୁ ଅତି ପାଖରୁ ଜାଣିଥିବା ବିଶିଷ୍ଟ ସାହିତ୍ୟିକ ତଥା ଗୀତିକାର ଦେବଦାସ ଛୋଟରାୟ, ଅକ୍ଷୟଙ୍କ ନିର୍ଦ୍ଦେଶନାରେ ବହୁ ଗୀତ ଗାଇଥିବା କଣ୍ଠଶିଳ୍ପୀ […]

Akshay-Mohanty

Akshay-Mohanty

Subrat Kumar Nayak
  • Published: Tuesday, 13 October 2020
  • Updated: 13 October 2020, 11:37 PM IST

Sports

Latest News

ଭୁବନେଶ୍ୱର: କୋଭିଡ୍ ପାଇଁ ଏଥର ଫିକା ଫିକା ସବୁ ଉତ୍ସବ। କିନ୍ତୁ ଅକ୍ଷୟ ମହାନ୍ତିଙ୍କ ଜନ୍ମଦିନକୁ ଓଡ଼ିଆ ସଙ୍ଗୀତପ୍ରେମୀ ପାଳନ କରିଛନ୍ତି ନିଆରା ଢଙ୍ଗରେ। ଟ୍ଵିଟରରୁ ଏକାଠି ହୋଇ ‘ଖଟି ଜମିବ’ ନାମରେ ଗଢ଼ିଉଠିଥିବା ଏକ ପରିବାର ପକ୍ଷରୁ ପାଳିତ ହୋଇଛି ‘ସ୍ମୃତି ତୁମେ ଅକ୍ଷୟ’।

ଅକ୍ଷୟଙ୍କ ସହ ସ୍ମୃତି ବଖାଣିବାକୁ ଯୋଗ ଦେଇଥିଲେ ତାଙ୍କୁ ଅତି ପାଖରୁ ଜାଣିଥିବା ବିଶିଷ୍ଟ ସାହିତ୍ୟିକ ତଥା ଗୀତିକାର ଦେବଦାସ ଛୋଟରାୟ, ଅକ୍ଷୟଙ୍କ ନିର୍ଦ୍ଦେଶନାରେ ବହୁ ଗୀତ ଗାଇଥିବା କଣ୍ଠଶିଳ୍ପୀ ବିବୁ ଦାସ, ଦୀପକ ସାମନ୍ତରାୟ ଏବଂ ଅକ୍ଷୟ ସାହିତ୍ୟର ପ୍ରଶଂସକ ତଥା ଯାତ୍ରା କଳାକାର ଲୋକନାଥ ଲେଙ୍କା। ଅତିଥିମାନେ ଅକ୍ଷୟ ମହାନ୍ତିଙ୍କ ସହ ବିତାଇଥିବା ମୁହୂର୍ତ୍ତ ସବୁକୁ ମନେ ପକାଇବା ସହ ବହୁ ଅଜଣା କଥା କହିଥିଲେ। ସେହିପରି ଅକ୍ଷୟ ମହାନ୍ତିଙ୍କ ପୁଅ ମିତ୍ରଭାନୁ ମହାନ୍ତି ମଧ୍ୟ ଯୋଗ ଦେଇଥିଲେ। ମିତ୍ରଭାନୁଙ୍କ ଉପସ୍ଥିତି ଜୁମ୍ ଯୋଗେ ଯୋଗଦେଇଥିବା ଅଂଶଗ୍ରହଣକାରୀଙ୍କୁ ଅକ୍ଷୟଙ୍କ ଅନୁଭବ ଦେଇଥିବା ସେମାନେ କହିଥିଲେ।
https://twitter.com/Khati_Jamiba/status/1315647412577341440?s=20

ସାହିତ୍ୟାନୁରାଗୀ ପ୍ରଶାନ୍ତ ଭୂୟାଁ, ସଂସ୍କୃତିପ୍ରେମୀ ଶ୍ୟାମାନୁଜ ଦାସ ଏବଂ ଚଳଚ୍ଚିତ୍ର ନିର୍ଦ୍ଦେଶକ ସଞ୍ଜୟ ପଟ୍ଟନାୟକଙ୍କ ସଂଯୋଜନା ସହ ମଝିରେ ମଝିରେ ଖୋକା ଭାଇଙ୍କ ଗୀତ ସନ୍ଧ୍ୟାକୁ ଅକ୍ଷୟମୟ କରିଥିଲା। ଅଭିମାନିନୀ ଅମାନିଆ ଢେଉ ଏବଂ ମା’ ତୁମେ ମମତାର ସୀମାହୀନ ସାଗର ଆଦି ଗୀତର କିମ୍ବଦନ୍ତୀ ଗୀତକାର ସଚି ମହାନ୍ତିଙ୍କର ଏକ ବାର୍ତ୍ତା ଏହି ଅବସରରେ ପରିବେଷଣ କରାଯାଇଥିଲା। ସେ କହିଥିଲେ ଅକ୍ଷୟ ମହାନ୍ତି ତାଙ୍କୁ କାହିଁକି ଚାପୁଡ଼ା ମାରିଥିଲେ। ଡକ୍ଟର ତନ୍ମୟ ପଣ୍ଡା, ଭବାନୀ ପ୍ରସାଦ ଦାସ, ବିରାଜ ରଥ ଏବଂ ବେଶ କିଛି ଜଣ ଅଂଶଗ୍ରହଣକାରୀ ଅକ୍ଷୟଙ୍କ ଗୀତ ଗାଇଥିଲେ।
https://twitter.com/Khati_Jamiba/status/1315578475017695232?s=20

ଅନ୍ୟ ଭାଷା ଓ ସଂସ୍କୃତିର ଶବ୍ଦ ଓ ଶୈଳୀକୁ ଅକ୍ଷୟ କିପରି ଉପଯୋଗ କରିଥିଲେ ଦେବଦାସ ସେ ବିଷୟରେ ଆଲୋକପାତ କରିଥିଲେ। ସେହିପରି ବିବୁ ଦାସ ଅକ୍ଷୟଙ୍କ ଶେଷ ସମୟରେ ଶୁଣାଇଥିବା ‘ଶ୍ରୀକୃଷ୍ଣଙ୍କ ବଂଶୀ ସ୍ଵନ ଶୁଣି’ ଗୀତଟିକୁ ଗାଇ ସମଗ୍ର ପରିବେଶକୁ ଭାବବିହ୍ବଳ କରିଦେଇଥିଲେ। ସେହିଭଳି ଏନଏବିଏମର ପୂର୍ବତନ ନିର୍ଦ୍ଦେଶକ ଦୀପକ ସାମନ୍ତରାୟ ଅକ୍ଷୟ ସାହିତ୍ୟକୁ ନେଇ ଯଥେଷ୍ଟ କମ୍ ଗବେଷଣା ହୋଇଥିବା କଥା କହିଥିଲେ। ଏହି ଭର୍ଚୁଆଲ ଉତ୍ସବ ପୂର୍ବରୁ ଚିତ୍ର, ସଙ୍ଗୀତ ଓ କବିତା ଆଦି ପ୍ରତିଯୋଗିତା ହୋଇଥିଲା। ଏସବୁର କିଛି ଝଲକ ଦର୍ଶକଙ୍କ ନିମନ୍ତେ ପ୍ରଦର୍ଶନ କରାଯାଇଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos