OR 
ପୁରୀ ଜିଲ୍ଲା ଅସ୍ତରଙ୍ଗ ନିକଟସ୍ଥ ସମୁଦ୍ରର ନିଷିଦ୍ଧାଞ୍ଚଳରେ କିଛି ମତ୍ସ୍ୟଜୀବୀ ବେଆଇନ ଭାବେ ମାଛ ମାରୁଥିବା ବେଳେ ଚଢ଼ାଉ କରାଯାଇ ୨ଟି ଟ୍ରଲର ଜବତ କରାଯାଇଛି। ତା’ସହିତ ୨୦ଜଣଙ୍କୁ ଅଟକ ରଖାଯାଇଛି।
ତଟରକ୍ଷୀ ବାହିନୀ ଓ ସାମୁଦ୍ରିକ ମତ୍ସ୍ୟ ବିଭାଗ ମିଳିତ ଭାବରେ ଚଢ଼ାଉ କରି ନୂଆଗଡ଼ ଜେଟି ନିକଟକୁ ୨ଟି ଟ୍ରଲରକୁ ଅଣାଯାଇଛି। ଏହି ୨ଟି ଟ୍ରଲରରୁ ୨୦ଜଣଙ୍କୁ ଅଟକ ରଖିଯାଇଛି। ସେମାନଙ୍କ ବିରୋଧରେ ଓଡ଼ିଶା ସାମୁଦ୍ରିକ ମତ୍ସ୍ୟ ଆଇନ ଅନୁଯାୟୀ ମାମଲା ରୁଜୁ କରାଯାଇଛି।
Also Read
ଜବତ ଟ୍ରଲର ଦୁଇଟିର ନାମ ହେଉଛି ବାଲେଶ୍ୱରର ଚିନ୍ମୟୀ ଓ ପାରାଦ୍ୱୀପର ମା’ ବୃନ୍ଦାବତି। ସମୁଦ୍ର ଉପକୂଳରେ ଅଲିଭ ରିଡେଲ କଇଁଛଙ୍କ ସୁରକ୍ଷିତ ଆଗମନ, ଅଣ୍ଡା ଦାନ ଓ ପ୍ରଜନନ ପାଇଁ ସମୁଦ୍ର ଉପକୂଳରୁ ଦେବୀ ନଦୀମୁହାଣର ୧୦ କିଲୋମିଟର ମଧ୍ୟରେ ଯନ୍ତ୍ର ଚାଳିତ ଡଙ୍ଗାରେ ମାଛ ଧରିବା ଉପରେ କଟକଣା ଜାରି ହୋଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
