ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ କୋଡାସିଙ୍ଗା ଗ୍ରାମରେ ଆତଙ୍କ ଖେଳାଇଛି ପାଗଳ କୁକୁର । କୁକୁର କାମୁଡ଼ାରେ କୋଡାସିଙ୍ଗା ଗ୍ରାମର ୩ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟ ଦୁଇ ପୁରୁଷ ଓ ଜଣେ ମହିଳା ଥିବା ଜଣାଯାଇଛି। ସେମାନେ ହେଲେ ଭାଗବତ ଅମାତ, ଲମ୍ବୋଦର ବେହେରା ଓ ସୁଷମା ବେହେରା ଆହତ । ସମସ୍ତେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ସୂଚନା ଅନୁଯାୟୀ, ଆଜି ସକାଳ ସମୟରେ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ କୋଡାସିଙ୍ଗା ଗ୍ରାମରେ ଏକ ପାଗଳ କୁକୁର ହଠାତ୍ ଗାଆଁ ଦାଣ୍ଡରେ ଲୋକଙ୍କୁ ଦେଖି ଗୋଡ଼ାଇ ଗୋଡ଼ାଇ କାମୁଡ଼ିଲା । କିଛି ଲୋକ କୁକୁର କାମୁଡ଼ାରୁ ବର୍ତ୍ତି ଯାଇଥିବା ବେଳେ ଗ୍ରାମର ଭାଗବତ ଅମାତ, ଲମ୍ବୋଦର ବେହେରା ଓ ସୁଷମା ବେହେରା କୁକୁର କାମୁଡ଼ାର ଶିକାର ହୋଇଛନ୍ତି l
Also Read
ସମସ୍ତ ଆହତଙ୍କ ହାତକୁ କୁକୁର କାମୁଡ଼ିଥିବା ବେଳେ ଗ୍ରାମବାସୀ ଠେଙ୍ଗା ବାଡି ଧରି ପାଗଳ କୁକୁରକୁ ଘଉଡାଇ ଦେଇଛନ୍ତି । ସେପଟେ ପାଗଳ କୁକୁର ଭୟରେ ଗ୍ରାମବାସୀ ସମସ୍ତଙ୍କ ଘରେ କବାଟ ବନ୍ଦ କରି ରହିଥିବା ବେଳେ ବାହାରକୁ କେହି ବାହାରୁ ନଥିବା ଜଣା ପଡିଛି l ଆହତ ସମସ୍ତେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ରହିଛନ୍ତି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
