ଅଜଣା ଜନ୍ତୁ ଆକ୍ରମଣରେ ୩୭ ମେଣ୍ଢା ଓ ୭ଟି ଛେଳିଙ୍କର ମୃତ୍ୟୁ ଘଟିଛି। ମାଲକାନାଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ କୋଇମେଟଲା ପଞ୍ଚାୟତ ଏମଭି ୬୭ ଗ୍ରାମରେ ଏଭଳି ଘଟଣା ଘଟିଛି।
ଗତକାଲି ରାତିରେ ଏମଭି ୬୭ ଗ୍ରାମରେ ରହୁଥିବା ସୁନୀଲ ହାଲଦାରଙ୍କ ଗୁହାଳରୁ ୩୭ ମେଣ୍ଢା ଛୁଆ ଓ ୭ ଛେଳି ଛୁଆ ନିଖୋଜ ହୋଇଯାଇଥିଲେ। ସକାଳେ ଦେଖିଲା ବେଳକୁ ସୁନୀଲଙ୍କ ଘର ପାଖରେ ଥିବା ଜମିରେ ମେଣ୍ଢା ଓ ଛେଳିଙ୍କର ମୃତ ଶରୀର ଖେତାକ୍ତ ହୋଇ ଖଣ୍ଡ ବିଖଣ୍ଡିତ୍ ଅବସ୍ତାରେ ପଡ଼ିଛି।
ସୂଚନା ପାଇଁ କାଲିମେଳା ବନାଞ୍ଚଳ ଅଧିକାରୀ, ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ। ଏହି ମେଣ୍ଢା ଓ ଛେଳିଙ୍କୁ କିଏ ମାରିଲା ତାର କାରଣ ଜଣାପଡ଼ି ନାହିଁ। ଅଜଣା ଜନ୍ତୁ ଏପରି କରିଥିବା ଗ୍ରାମବାସୀ ଅଭିଯୋଗ କରିଛନ୍ତି।