ରାତିହେଲେ ରାଜରାସ୍ତାରେ ବୁଲୁଛି ଭାଲୁ। ଏଭଳି ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭୁବନ ବନାଞ୍ଚଳ ଅଧୀନ ୫୩ ନମ୍ବର ଜାତୀୟ ରାଜପଥରେ।
ରବିବାର (ଗତକାଲି) ବିଳମ୍ବିତ ରାତିରେ ଭାଲୁଟି ଭୁବନ ବାଇପାସ ଓଭରବ୍ରିଜ ଉପରେ ବୁଲୁଥିବାର ଦେଖିବାକୁ ମିଳିଛି। ତେବେ ଏହି କିଛିଦିନ ହେଲା ଭୁବନର ପୂର୍ତ୍ତବିଭାଗ ଡାକବଙ୍ଗଳା, ଅଗ୍ନିଶମ ପରିସର ଓ ନୂଆଭୁବନ ଅଞ୍ଚଳରେ ମଧ୍ୟ ଭାଲୁକୁ ଦେଖିବାକୁ ମିଳିଥିଲା।
ଅଳ୍ପଦିନ ଭିତରେ ଦୁଇଟି ଭାଲୁର ଗାଡ଼ି ଦୁର୍ଘଟଣାରେ ମୃତ୍ୟୁ ହୋଇଥିବା ଜଣାପଡ଼ିଛି। ବାରମ୍ବାର ବନ୍ୟ ଜନ୍ତୁ ରାସ୍ତାଉପରକୁ ଓ ଏନଏସି ଭିତରକୁ ଚାଲିଆସୁଥିବାରୁ ଲୋକମାନେ ଏକପ୍ରକାର ଡରିକି ଅଛନ୍ତି। ତେଣୁ ଭୁବନ ବନବିଭାଗ ରାତିରେ ପାଟ୍ରୋଲିଂ କରିବାକୁ ଅଞ୍ଚଳବାସୀ ଦାବି କରିଛନ୍ତି।