ମିଳିଲାନି ଆମ୍ବୁଲାନ୍ସ। ଗାଡ଼ି ଭଡ଼ା ଦେବାକୁ ନଥିଲା ଟଙ୍କା। ତେଣୁ ବାପଘର ଲୋକେ ମହିଳାଙ୍କ ମୃତଦେହକୁ ୨୦ କିଲୋମିଟର କୋକେଇରେ ବୋହି ଶାଶୁ ଘରକୁ ନେଇଥିଲେ।
ମୃତକ ହେଲେ ନନ୍ଦାହାଣ୍ଡି ଫୁପୁ ଗାଁର କରୁଣା ଆମନାତ୍ୟ। ସେ ତାଙ୍କ ବାପ ଘର ପୁର୍ଣ୍ଣିଗୁଡ଼ାରେ ରହି ଚିକିତ୍ସିତ ହେଉଥିଲେ। ତାଙ୍କର ତିନିଟି ପିଲା ଅଛନ୍ତି। ସେଥିରୁ ସାନ ଝିଅ ତିନିମାସର। କୌଣସି କାରଣରୁ ଗୁରୁବାର (ଗତକାଲି) ରାତିରେ ତାଙ୍କର ଦେହାନ୍ତ ହୋଇଥିଲା।
Also Read
ତାଙ୍କ ମୃତଦେହକୁ ଶାଶୁଘରକୁ ନେବା ଲାଗି ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ବାପଘର ଲୋକେ। ହେଲେ ଆମ୍ବୁଲାନ୍ସ ଆସିଲା ନାହିଁ। ଅନେକ ସମୟ ଅପେକ୍ଷା ପରେବି ଆମ୍ବୁଲାନ୍ସ ପହଞ୍ଚିଲା ନାହିଁ। କୌଣସି ସରକାରୀ ସୁବିଧା ନମିଳିବାରୁ ପରିବାର ଲୋକେ ମୃତଦେହକୁ କୋକେଇରେ ୨୦ କିଲୋମିଟର ବୋହି ଶାଶୁଘରକୁ ନେଇଥିଲେ।
ରିପୋର୍ଟ- ନବରଙ୍ଗପୁର ନବଘନ ମିଷୋୟୀ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।