ମାଛ ଧରିବାକୁ ଯାଇଥିଲେ ମତ୍ସ୍ୟଜୀବୀ । ମାତ୍ର ହଠାତ୍ ଜାଲରେ ପଡ଼ିଲା ଏକ ବିରାଟକାୟ ମାଛ । ଏହାଦେଖି ମତ୍ସ୍ୟଜୀବୀଙ୍କ ଖୁସି କହିଲେ ନ ସରେ। ଏପରି ଏକ ଘଟଣା ସମ୍ବଲପୁର ଜିଲ୍ଲାର ବୁର୍ଲାରେ ଘଟିଛି। ବୁର୍ଲା ସାଇଫନ୍ରୁ ଏକ ୬୦ କେଜି ଓଜନର ମାଛ ଧରା ପଡ଼ିଥିବା ବେଳେ ତାହାର ନାମ ବୁଧିଆ ମାଛ ବୋଲି ଜଣାପଡ଼ିଛି।
ପ୍ରତିଦିନ ମହାନଦୀ ଓ ସାଇଫନକୁ ସ୍ଥାନୀୟ ମତ୍ସ୍ୟଜୀବୀମାନେ ମାଛ ମାରିବାକୁ ଯାଇଥାନ୍ତି। ହୀରାକୁଦ ଡ୍ୟାମ ଦକ୍ଷିଣ ପାର୍ଶ୍ଵ ତଳ ମୁଣ୍ଡରେ ଗତକାଲି ଜଣେ ମତ୍ସ୍ୟଜୀବୀ ଜାଲ ଟାଣିବା ବେଳେ ତାହା ଅଧିକ ଓଜନର ବୋଲି ଅନୁଭୂତ ହୋଇଥିଲା। ଏହାପରେ ୫-୬ ମତ୍ସ୍ୟଜୀବୀ ମିଶି ଉକ୍ତ ଜାଲକୁ ଟାଣି କୂଳକୁ ଆଣିଥିଲେ।
Also Read
ଉକ୍ତ ଜାଲରେ ଏକ ବିଶାଳକାୟ ମାଛ ଉପରକୁ ଆସିଥିଲା । ପରେ ୨ ଜଣ ମତ୍ସ୍ୟଜିବୀ ମାଛକୁ କାନ୍ଧେଇ କୂଳକୁ ନେଇ ଯାଇଥିଲେ । ଏତେ ବଡ ମାଛକୁ ଦେଖିବାକୁ ଲୋକଙ୍କ ଭିଡ଼ ଜମିଥିଲା। ପରେ ଏକ ହୋଟେଲ ମାଲିକ ମାଛ ଟିକୁ କିଣି ନେଇଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
