କୋଟିଆରେ ଆନ୍ଧ୍ର ସଭା କଲା, କିଟ୍‌ ବାଣ୍ଟିଲା

କୋଟିଆରେ ସଭା କଲେ ଓ କିଟ୍‌ ବାଣ୍ଟିଲା ଆନ୍ଧ୍ରପ୍ରଦେଶ। ଏଥିସହ ଆନ୍ଧ୍ରର ଲୋକାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ଅବଗତ କଲେ। ହେଲେ ଏ ସମ୍ପର୍କରେ କୋରାପୁଟ ଜିଲ୍ଲା ପ୍ରଶାସନ ଜାଣିପାରିଲା ନାହିଁ।

ସୀମାରେ ଓଡ଼ିଶାର ପ୍ରଶାସନିକ ଅଧିକାରୀମାନେ ଜଗିଛନ୍ତି। ଏହା ସତ୍ତ୍ୱେ ଆଜି ଆନ୍ଧ୍ରପ୍ରଦେଶର ପ୍ରଶାସନିକ ଅଧିକାରୀମାନେ କୋଟିଆରେ ପ୍ରବେଶ କରିଛନ୍ତି। ଆଉ ନେରିଡିବାଳସାରେ ସଭା ଆୟୋଜନ କରିଛନ୍ତି। ସଭାରେ ଗଞ୍ଜେଇପଦର, କୋଟିଆ, ସେମ୍ବୀ, ଧୂଳିପଦର ପ୍ରଭୁତି ଗାଁର ଲୋକମାନେ ଉପସ୍ଥିତ ରହିଥିଲେ। ଏହି ଅବସରରେ ଜାଗନାନା ସୁରକ୍ଷା ଯୋଜନା ସମ୍ପର୍କରେ ଅଧିକାରୀମାନେ ଗାଁ ଲୋକଙ୍କୁ ବୁଝାଇଥିଲେ। ଏହି ଯୋଜନାରୁ ବଞ୍ଚିତ ହିତାଧିକାରୀଙ୍କୁ କେମିତି ପୁଣିଥରେ ସାମିଲ କରାଯାଇପାରିବ ତାହା ଉପରେ ଆଲୋଚନା କରିଥିଲେ। ସଭାରେ ସାଲୁର ଏମ୍‌ପିଡିଓ ରମା ଦେବୀ ଯୋଗଦେଇ ଲୋକଙ୍କୁ ମେଡ଼ିକାଲ୍‌ କିଟ୍‌ ବାଣ୍ଟି ଥିଲେ।

ରିପୋର୍ଟ-କୋରାପୁଟରୁ ସୂର୍ଯ୍ୟ ନାରାୟଣ ପଣ୍ଡା