OR 
ଦେବଦୂତ ସାଜିଲେ ସିଆରପିଏଫ୍ ଯବାନ। ନିଜ ଜୀବନକୁ ବାଜି ଲଗାଇ ଗର୍ଭବତୀ ମହିଳାଙ୍କୁ ନଦୀ ପାର କରାଇ ମେଡିକାଲରେ ପହଞ୍ଚାଇଲେ। ମାଲକାନଗିରି ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାରେ ଏପରି ଘଟଣା ଦେଖିବାକୁ ମିଳିଛି।
ଲଘୁଚାପ ପ୍ରଭାବରେ ଓଡ଼ିଶା ସହ ଛତିଶଗଡ଼ରେ ବର୍ଷା ଲାଗି ରହିଛି। ଲଗାଣ ବର୍ଷା ଯୋଗୁ ନଦୀରେ ପ୍ରବଳ ବନ୍ୟା ଜଳ ପ୍ରବାହିତ ହେଉଛି। ଗତକାଲି ବିଜାପୁର ଜିଲ୍ଲାର ନାମ୍ବୀ ଗାଁରେ ରହୁଥିବା ଜଣେ ଗର୍ଭବତୀ ମହିଳାଙ୍କୁ ପ୍ରସୂତି ଯନ୍ତ୍ରଣା ହୋଇଥିଲା।। ଲଗାଣ ବର୍ଷା ଯୋଗୁଁ ନଦୀର ପାଣି ବଢ଼ିଥିବାରୁ ମହିଳାଙ୍କୁ ଡାକ୍ତରଖାନା ନେବା ପରିବାର ଲୋକଙ୍କ ପାଇଁ କଷ୍ଟ କର ହୋଇ ପଡ଼ିଥିଲା।
Also Read
ପରିବାର ଲୋକେ କ’ଣ କରିବେ କ’ଣ ନାହିଁ ଉପାୟ ଶୂନ୍ୟ ହୋଇପଡ଼ିଥିଲେ। ଘଟଣା ବିଷୟରେ ଖବର ପାଇ ମହିଳାଙ୍କ ଘରେ ପହଞ୍ଚିଥିଲେ ସିଆରପିଏଫ୍ ଯବାନ। ଘଟଣା ସଂପର୍କରେ ଜାଣିବା ପରେ ପାଖରେ ଡଙ୍ଗା ନଥିବାରୁ ନିଜ ଉପସ୍ଥିତ ବୁଦ୍ଧି ଖଟାଇ ତିଆରି କରିଥିଲେ ଏକ ଯୁଗାଡ଼ ଡଙ୍ଗା। ଗର୍ଭବତୀ ମହିଳାଙ୍କୁ ନଦୀ ପାର କରି ଉସୁର ମେଡିକାଲରେ ଭର୍ତ୍ତି କରିଥିଲେ। ମା’ ଓ ନବଜାତ ଶିଶୁ ସୁସ୍ଥ ଥିବା ଜଣାଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
