OR 
ସରକାରୀ ଜମିରେ ବେଆଇନ୍ ଭାବେ ଘର କରି ରହୁଥିଲେ। ବାରମ୍ୱାର ନୋଟିସ୍ ପରେ ମଧ୍ୟ ଉଠୁନଥିଲେ। ଆଜି ମାଜିଷ୍ଟ୍ରେଟ୍ ଉପସ୍ଥିତିରେ ବୁଲ୍ଡୋଜର ଚଢ଼ାଇ ଘର ଗୁଡ଼ିକୁ ଭାଙ୍ଗି ଦିଆଯାଇଛି। ଆଜି ଏପରି ଚିତ୍ରଦେଖିବାକୁ ମିଳିଛି କନ୍ଧମାଳ ଜିଲ୍ଲାରେ।
ଦାରିଙ୍ଗବାଡ଼ି ବିଚାର ବିଭାଗୀୟ ଅଦାଲତଙ୍କ ସରକାରୀ ଜମିକୁ ଜବରଦଖଲ କରି ବେଆଇନ୍ ଭାବେ ଘର ନିର୍ମାଣ କରି ରହୁଥିଲେ ୬ ପରିବାର। ଏ ସମ୍ପର୍କରେ ଜଣାପଡ଼ିବା ପରେ ତହସିଲ କାର୍ଯ୍ୟାଳୟ ତରଫରୁ ସରକାରୀ ଜମିରୁ ହଟିଯିବା ପାଇଁ ନିର୍ଦ୍ଦେଶ ଦିଆଯାଉଥିଲା। ଏଥିପାଇଁ ସେମାନଙ୍କୁ ନୋଟିସ୍ କରାଯାଇଥିଲା। ହେଲେ ଜବରଦଖଲକାରୀମାନେ ପ୍ରଶାସନର ନିର୍ଦ୍ଦେଶକୁ ବାରମ୍ବାର ଅବମାନନା କରି ଆସୁଥିଲେ।
Also Read
ଶେଷରେ ପ୍ରଶାସନ ଚରମ ନିଷ୍ପତ୍ତି ନେଲା। ଦାରିଙ୍ଗବାଡ଼ି ମାଜିଷ୍ଟ୍ରେଟ ଶରତ ଶବରଙ୍କ ଉପସ୍ଥିତିରେ ବୁଲ୍ଡୋଜର ସାହାଯ୍ୟରେ ଘର ଗୁଡିକୁ ଭଙ୍ଗି ଦିଆଯାଇଛି। ଜବରଦଖଲ ମୁକ୍ତ ହେବା ପରେ ଅଦାଲତଙ୍କୁ ସଂପୃକ୍ତ ଜମି ହସ୍ତାନ୍ତର କରାଯିବ ବୋଲି ତହସିଲଦାର କହିଛନ୍ତି। ଅନ୍ୟପକ୍ଷରେ ବିନା ନୋଟିସରେ ଆମ ଘର ଗୁଡିକ ଭଙ୍ଗି ଦିଆଯାଇଥିବା ଜବରଦଖଲକାରୀ କହିଛନ୍ତି।
ରିପୋର୍ଟ- ବାଲିଗୁଡ଼ାରୁ ଅଜିତ କୁମାର ନାୟକ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
