OR 
ରାଜ୍ୟ ସରକାରଙ୍କ ସହ ଆଲୋଚନା ପରେ ଆସନ୍ତାକାଲି ବୁଧବାରଠୁ ୧୦ଟି ଜିଲ୍ଲାରେ ପ୍ରସ୍ତାବିତ ବସ୍ ଧର୍ମଘଟ ନିଷ୍ପତ୍ତିରୁ ଓହରି ଯାଇଛି ଓଡ଼ିଶା ଘରୋଇ ବସ୍ ମାଲିକ ସଂଘ ।
ଏନେଇ ଆଜି ସଂଘର ସମ୍ପାଦକ ଦେବେନ୍ଦ୍ର ସାହୁ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ରାଜ୍ୟ ସରକାରଙ୍କ ସହ ଆଲୋଚନା ହୋଇଥିବାରୁ ଆସନ୍ତାକାଲି ବସ୍ ଧର୍ମଘଟ ନକରିବାକୁ ନିଷ୍ପତ୍ତି ନିଆଯାଇଛି ।
ଗତକାଲି ଶ୍ରୀ ସାହୁ ନଭେମ୍ବର ୧ରୁ ୧୦ଟି ଜିଲ୍ଲାରେ ବସ୍ ଧର୍ମଘଟ ହେବ ବୋଲି ଚେତାବନୀ ଦେଇଥିଲେ । ସରକାର ଯଦି ‘ଲକ୍ଷ୍ମୀ’ ଯୋଜନାରେ ଆସନ୍ତାକାଲିଠୁ କଳାହାଣ୍ଡିର ବିଭିନ୍ନ ବ୍ଲକ ମୁଖ୍ୟାଳୟରୁ ଜିଲ୍ଲା ମୁଖ୍ୟାଳୟକୁ ବସ୍ ଚଳାଚଳ କରନ୍ତି ତା’ହେଲେ ଧର୍ମଘଟ କରାଯିବ ବୋଲି କହିଥିଲେ ।
Also Read
କେବଳ ସେତିକି ନୁହେଁ, ରାଜନୀତିକ ଦଳଗୁଡ଼ିକର କାର୍ଯ୍ୟକ୍ରମକୁ ଲୋକଙ୍କ ପରିବହନ ନିମନ୍ତେ ସେମାନଙ୍କର ବସକୁ ଦିଆଯିବ ନାହିଁ ବୋଲି ଘରୋଇ ବସ୍ ମାଲିକମାନେ ନିଷ୍ପତ୍ତି ନେଇଥିବା ସେ କହିଥିଲେ ।
ଆଜି ରାଜ୍ୟ ସରକାରଙ୍କ ସହ ପୁଣିଥରେ ବସ୍ ମାଲିକ ସଂଘର ଆଲୋଚନା ହୋଇଛି । ସରକାର ମଧ୍ୟ ଘରୋଇ ବସ୍ ମାଲିକମାନଙ୍କର ବ୍ୟବସାୟିକ କ୍ଷତି ହେବା ଭଳି ପଦକ୍ଷେପ ନେବେ ନାହିଁ ବୋଲି ବାରମ୍ବାର ଆଶ୍ୱସ୍ତ କରୁଛନ୍ତି । ତେବେ ସରକାର ଯଦି ଲକ୍ଷ୍ମୀ ବସକୁ ବ୍ଲକ ମୁଖ୍ୟାଳୟରୁ ଜିଲ୍ଲା ମୁଖ୍ୟାଳୟକୁ ଚଳାଚଳ କରନ୍ତି ତା’ହେଲେ ଏହାକୁ କଡ଼ା ବିରୋଧ କରାଯିବ । ଏସଂକ୍ରାନ୍ତରେ ପରବର୍ତ୍ତୀ ପଦକ୍ଷେପ କ’ଣ ହେବ ତାହା ଆସନ୍ତା ୮ତାରିଖରେ ସଂଘର ସାଧାରଣ ପରିଷଦ ବୈଠକରେ ନିଷ୍ପତ୍ତି ନିଆଯିବ ବୋଲି ଶ୍ରୀ ସାହୁ ସୂଚନା ଦେଇଛନ୍ତି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
