OR 
ଭାଲୁକୁ ଟ୍ରାଙ୍କୁଲାଇଜ୍ କରିବା ପାଇଁ ନିଶା ଇଞ୍ଜେକସନ୍ ଦେଉଥିଲେ ଫରେଷ୍ଟେର। ଅସାବଧାନତା କାରଣରୁ ନିଜ ଦେହରେ ବାଜିଗଲା। ଚେତାଶୂନ୍ୟ ହୋଇ ତଳେ ପଡ଼ିଗଲେ ଫରେଷ୍ଟେର। ୧୦ ଘଣ୍ଟା ପରେ ଫେରିଲା ଚେତା। ଢେଙ୍କାନାଳ ଜିଲ୍ଲା କାମାକ୍ଷାନଗରର କେରଜୁଳି ଗାଁରେ ଏହି ଘଟଣା ଘଟିଛି। ଚିକିତ୍ସା ପରେ ଫରେଷ୍ଟର ସୁସ୍ଥ ଥିବ ଜଣାଯାଇଛି। ଉକ୍ତ ଫରେଷ୍ଟେର ଜଣଙ୍କ ହେଲେ ଦିପକ ସାହୁ।
ଗତକାଲି ବନ ବିଭାଗ ଟିମ୍ କେରଜୁଳି ଗାଁରେ ପହଞ୍ଚି ଭାଲୁକୁ ଟ୍ରାଙ୍କୁଲାଇଜ୍ କରିବା ପାଇଁ ଚେଷ୍ଟା କରିଥିଲେ। ଏହି ସମୟରେ ଇଞ୍ଜେକସନ୍ ଫରେଷ୍ଟେରଙ୍କ ଦେହରେ ବାଜିଥିଲା। ସଙ୍ଗେ ସଙ୍ଗେ ଫରେଷ୍ଟର ଚେତାଶୂନ୍ୟ ହୋଇପଡ଼ିଥିଲେ।
Also Read
ତାଙ୍କୁ ଉଦ୍ଧାର କରାଯାଇ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ପରେ ତାଙ୍କ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଥିଲା। ୧୦ ଘଣ୍ଟା ପରେ ଫରେଷ୍ଟରଙ୍କର ଆଜି ଚେତା ଫେରିଛି। ବର୍ତ୍ତମାନ ଫରେଷ୍ଟର ସୁସ୍ଥ ଥିବା ଜଣାଯାଇଛି। କିପରି ଏପରି ଅଘଟଣ ଘଟିଲା ତାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
