ଆପଣଙ୍କ ଫ୍ଲାଟ୍ ଥିବା ଆପାର୍ଟମେଣ୍ଟ ବେଆଇନ୍ ନୁହେଁ ତ? ଜୀବନ ଯାକର କଷ୍ଟାର୍ଜିତ ପୁଞ୍ଜି ଖଟାଇ ଫସି ଯାଇ ନାହାନ୍ତି ତ? ଏମିତି ପ୍ରଶ୍ନ ଆମେ ଏଥିପାଇଁ ପଚାରୁଛୁ, କାରଣ ରାଜଧାନୀ ଭୁବନେଶ୍ବର ସମେତ ବିଭିନ୍ନ ସହରରେ ଗଢିଉଠିଛି ମାଳମାଳ ବେଆଇନ୍ ଆପାର୍ଟମେଣ୍ଟ। ଯାହାର ବାସ୍ତବ ଚିତ୍ର ନଗର ଉନ୍ନୟନ ବିଭାଗ ପାଖରେ ବି ନାହିଁ। ବିଧାନସଭାରେ କଂଗ୍ରେସ ବିଧାୟକ ତାରା ବାହିନୀପତିଙ୍କ ପଶ୍ନର ଲିଖିତ ଉତ୍ତରରେ ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର କହିଛନ୍ତି ବେଆଇନ୍ ଭାବେ ରାଜ୍ୟରେ କେତେ ସଂଖ୍ୟକ ବେଆଇନ୍ ଆପାର୍ଟମେଣ୍ଟ ତିଆରି ହୋଇଛି ତାର ଆକଳନ ହୋଇନି। ତେବେ ରାଜ୍ୟର ବିଭିନ୍ନ ସହରରେ ବେଆଇନ୍ ଭାବେ ଗଢିଉଠିଥିବା କୋଠା ବିରୁଦ୍ଧରେ ୭୧୯ଟି ମାମଲା ରୁଜୁ ହୋଇଛି। ସେଭିତରୁ ୬୮୯ଟି ମାମଲା କେବଳ ଭୁବନେଶ୍ବରରେ ଥିବା ବେଆନ କୋଠାବାଡ଼ି ବିରୁଦ୍ଧରେ ହୋଇଛି। ଓଡ଼ିଶା ଉନ୍ନୟନ କତ୍ତୃପକ୍ଷ ଅଧିନିୟମ ୧୯୮୨ ଅନୁଯାୟୀ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ।
ସେପଟେ ରିୟଲ ଇଷ୍ଟେଟ୍ କର୍ମୀ କହିଛନ୍ତି ରାଜ୍ୟରେ ହଜାର ହଜାର ବେଆଇନ୍ କୋଠାବାଡ଼ି ନିର୍ମାଣ ହୋଇଛି। ଯେଉଁମାନେ କଷ୍ଟ ଅର୍ଜିତ ଟଙ୍କାରେ ଫ୍ଲାଟ କିଣିଛନ୍ତି ସେଗୁଡ଼ିକ ମଧ୍ୟରୁ ଅଧିକାଂଶ ବିଲଡିଂର ଫାୟାର ସେଫଟି ସାର୍ଟିଫିକେଟ୍, ଅକୁପେନସି ସାର୍ଟିଫିକେଟ୍, ପ୍ଲାନ୍ ଆପ୍ରୋଭାଲ୍ ସାର୍ଟିଫିକେଟ୍ ଭଳି ଅତି ଗୁରୁତ୍ବପୂର୍ଣ୍ଣ ସାର୍ଟିଫିକେଟ୍ ନାହିଁ। ଅପରପକ୍ଷେ କ୍ରେଡାଇ କହିଛି ବହୁ ବର୍ଷ ପୂର୍ବରୁ ଆପାର୍ଟମେଣ୍ଟଗୁଡ଼ିକ ତିଆରି ହୋଇ ତାହା ଲୋକଙ୍କୁ ହସ୍ତାନ୍ତର ହୋଇଛି। ସରକାର ଏବେ ନୂଆ ନିୟମ ଆଣିଛନ୍ତି। ତେଣୁ ପୁରୁଣା ଆପାର୍ଟମେଣ୍ଟଗୁଡ଼ିକୁ ନୂଆ ନିୟମରୁ ବାଦ ଦେବାକୁ ଦାବି କରିଛି ରିୟଲ ଇଷ୍ଟେଟ୍ ସଂଘ।
Also Read
ନୂଆ ଆପାର୍ଟମେଣ୍ଟ ଅଧିନିୟମ ସତ୍ତ୍ବେ ରାଜ୍ୟରେ ପ୍ରତିଦନ ଛତୁ ଫୁଟିଲା ପରି ଗଢିଉଠୁଛି ବେଆଇନ୍ କୋଠାବାଡ଼ି। ଏହା ଉପରେ କିପରି ରୋକ୍ ଲାଗିପାରିବ ତାହା ଏବେ ବଡ଼ ପ୍ରଶ୍ନ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
