ରାଜଧାନୀ ଭୁବନେଶ୍ୱରରେ ବେଆଇନ ଭାବେ ନିର୍ମାଣ ହୋଇଥିବା ୧୯୧ଟି ଆପାର୍ଟମେଂଟ ଓ ଘରକୁ ସମ୍ପୂର୍ଣ୍ଣ ଭୂମିସାତ୍ କରିବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି ରାଜ୍ୟ ଗୃହନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ସୂଚନା ଦେଇଛନ୍ତି ।
Also Read
ଆଜି ବିଧାନସଭାରେ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପ୍ରଶ୍ନର ଲିଖିତ ଉତ୍ତର ଦେଇ ଶ୍ରୀ ମହାପାତ୍ର କହିଛନ୍ତି ଯେ, ଭୁବନେଶ୍ୱର ଉନ୍ନୟନ ପ୍ରାଧିକରଣ(ବିଡିଏ) ଅଂଚଳରେ ବେଆଇନ ଭାବେ ଆପାର୍ଟମେଂଟ ଓ କୋଠା ନିର୍ମାଣ ହୋଇଥିବାରୁ ମୋଟ ୪୯୧ଟି ମାମଲା ରୁଜୁ ହୋଇଛି । ସେଥିରୁ ୧୯୧ଟି ମାମଲାରେ ଉଭୟ ଆପାର୍ଟମେଂଟ ଓ ଘର ଭୂମିସାତ୍ କରିବାକୁ ଆଦେଶ ଦିଆଯାଇଛି । ୬୩ଟି ମାମଲାକୁ ଖାରଜ କରାଯାଇଛି । ବାକି ୨୩୭ଟି ମାମଲା ଏବେବି ବିଚାରାଧୀନ ରହିଛି । ଏହି ବେଆଇନ ଆପାର୍ଟମେଂଟ ଓ କୋଠା ନିର୍ମାଣକାରୀଙ୍କ ବିରୁଦ୍ଧରେ ମୋଟ ୧୪୪୪ଟି ମାମଲା ରୁଜୁ ହୋଇଥିଲାବେଳେ ସେଥିରୁ ୪୫୧ଟି ମାମଲାର ଫଇସଲା ସରିଛି । ୯୯୩ଟି ମାମଲା ଏବେବି ବିଚାରାଧୀନ ରହିଛି । ଆଇନ ଉଲ୍ଲଘଂନ କରୁଥିବା ବ୍ୟକ୍ତିମାନଙ୍କ ବିରୁଦ୍ଧରେ ଓଡ଼ିଶା ଉନ୍ନୟନ କର୍ତ୍ତୃପକ୍ଷ ଅଧିନିୟମ-୧୯୮୨ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି ଶ୍ରୀ ମହାପାତ୍ର ସୂଚନା ଦେଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
