ନିଶାସକ୍ତ ହୋଇ ଥାନାରେ ପୁଲିସକୁ ନାକେଦମ କଲେ ଲେଡି ଅଫିସର। ଲେଡି ଅଫିସର ଜଣକ ନିଶାସକ୍ତ ଅବସ୍ଥାରେ ଗାଡି ଚଳାଇ ସିରିଜ ଦୁର୍ଘଟଣା ଘଟାଇଥିଲେ। ନିଶାସକ୍ତ ମହିଳା ଜଣଙ୍କ ହେଉଛନ୍ତି ଜଗସିଂହପୁର ନାଉଗାଁ ବ୍ଲକର କନିଷ୍ଟ ଯନ୍ତ୍ରୀ ବୋଲି ଜଣାପଡ଼ିଛି।
Also Read
କଟକ ଚାଉଳିଆଗଞ୍ଜ ଥାନା ଅଞ୍ଚଳରେ ଲେଡି ଅଫିସର ଜଣକ ନିଶାସକ୍ତ ଅବସ୍ଥାରେ ଗାଡି ଚଳାଇ ସିରିଜ ଦୁର୍ଘଟଣା କରିଥିଲେ। ଏହାପରେ ସ୍ଥାନୀୟ ଲୋକେ କାର ସହ ମହିଳାଙ୍କୁ କାବୁ କରି ପୁଲିସକୁ ଖବର ଦେଇଥିଲେ। ଘଟଣା ସ୍ଥଳରେ ପୁଲିସ ପହଞ୍ଚି ମହିଳାଙ୍କୁ ଥାନାକୁ ଉଠାଇ ଆଣିଥିଲା। ମହିଳା ଜଣକ ନିଶାସକ୍ତ ଥିବାରୁ ଥାନାରେ ତାଙ୍କର ଯାଞ୍ଚ କରିବାବେଳେ ପ୍ରତିବାଦ କରିବା ସହ ପ୍ରବଳ ପାଟିତୁଣ୍ଡ କରିଥିଲେ। ଚାଉଳିଆଗଞ୍ଜ ପୁଲିସ ମହିଳାଙ୍କ ଗାଡିଟିକୁ ଜବତ କରିବା ସହ ମହିଳାଙ୍କ ନାଁରେ ମାମଲା ରୁଜୁ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।