ଦୁଇ ଛୁଆଙ୍କୁ ଧରି ଘଞ୍ଚ ଜଙ୍ଗଲରେ ବୁଲୁଛି କଳା ମହାବଳ। ସମସ୍ତେ ନିର୍ଭୟରେ ବୁଲୁଥିବା ଦେଖିବାକୁ ମିଳିଛି। ଯାହାର ଫଟୋ ସୋଶାଲ ମିଡିଆ ଏକ୍ସରେ ଜାରି କରିଛି ବନ ବିଭାଗ। ଶିମିଳିପାଳ ଅଭୟାରଣ୍ୟରୁ ଆସିଛି ଏପରି ଚିତ୍ର।
ପିସିସିଏଫ୍ ପୋଷ୍ଟ କରିଥିବା ୩ଟି ଫଟୋରେ ଦେଖିବାକୁ ମିଳିଛି ଶିମିଳିପାଳ କଳା ମହାବଳ ବାଘଟି ନିର୍ଭରରେ ଘୂରି ବୁଲୁଛନ୍ତି। ଯାହାର ନାଁ ଦିଆଯାଇଛି T24। ଶିମିଳିପାଳର କୋର ଅଞ୍ଚଳରେ ଏହି T24 ବାଘଟି ତା'ର ଦୁଇ ଛୁଆଙ୍କୁ ସାଙ୍ଗରେ ଧରି ବୁଲୁଛି। ବାଘ ପଛେ ପଛେ ଛୁଆମାନେ ବୁଲୁଥିବା ଟ୍ରାପ୍ କ୍ୟାମେରାରେ କଏଦ ହୋଇଛି। ପିସିସିଏଫ୍ଙ୍କ ଏହି ପୋଷ୍ଟରେ ଶିମିଳିପାଳ ଅଭୟାରଣ୍ୟରେ ନିର୍ଭୟରେ ବାଘ ବୁଲୁଥିବା ଦର୍ଶାଇଛନ୍ତି। ହେଲେ ଏହି ଶାବକମାନଙ୍କ ବୟସ, ଲିଙ୍ଗ ଓ ସ୍ଥାନ ବିଷୟରେ ଉଲ୍ଲେଖ କରାଯାଇ ନାହିଁ।
Also Read
ଦିନକୁ ଦିନ ଶିମିଳିପାଳରେ କଳା ମହାବଳ ବାଘଙ୍କ ସଂଖ୍ୟା ପାଉଛି। ତେଣୁ ଏଥିରେ ବ୍ରେକ୍ ଲଗାଇବା ପାଇଁ ବନ ବିଭାଗ ମହାରାଷ୍ଟ୍ରରୁ ୨ଟି ବାଘୁଣୀ ଆଣି ଶିମିଳିପାଳରେ ଛଡିଥିଲା। ସେହି ଦୁଇ ବାଘୁଣୀ ଏବେ ଶିମିଳିପାଳ କୋର ଏରିଆରେ ରାଜ କରୁଛନ୍ତି। ମଝିରେ ମଝିରେ ଦୁଇ ବାଘୁଣୀ ଶିମିଳିପାଳ ବାହାରକୁ ଆସୁଥିବା ଚର୍ଚ୍ଚା ହେଉଛି। ତଥାପି ସେମାନଙ୍କ ଗତିବିଧି ଉପରେ ବନ ବିଭାଗ ନଜର ରଖିଛି।
ରିପୋର୍ଟ- ମାନିକଲାଲ ପାଣି
AI cameras with real time data transfer are leading the protection and monitoring of wildlife in #Similipal. T24 is captured in one of the cameras, leading its two cubs in a hunt this morning. @PCCFWL_Odisha @ForestDeptt @ntca_india @pccfodisha @susantananda3 @rameshpandeyifs pic.twitter.com/axcAgaojNo
— Similipal Tiger Reserve, Odisha (@Similipal_South) December 3, 2024
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
