ରାଜଧାନୀ ଭୁବନେଶ୍ୱରରେ ଜମିଲା ଜାତୀୟସ୍ତରୀୟ ଡଗ୍ ଶୋ ଚାଂପିଅନସିପ୍। ୨ ଦିନ ବ୍ୟାପୀ ଏହି କାର୍ଯ୍ୟକ୍ରମରେ ରାଜ୍ୟ ତଥା ଦେଶର ବିଭିନ୍ନ ସ୍ଥାନରୁ ବିଭିନ୍ନ ବ୍ରିଡର କୁକୁର ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରେ ହୋଇଥିଲା ଫ୍ୟାସନ ଶୋ, ରାଂପ ୱାକ୍ ଓ ଅନ୍ୟାନ୍ୟ କୌଶଳ ପ୍ରଦର୍ଶନ। ଯାହାକୁ ଦେଖିବାକୁ ରାଜଧାନୀବାସୀଙ୍କ ମଧ୍ୟରେ ବେଶ୍ ଉତ୍ସୁକତା ଦେଖିବାକୁ ମିଳିଥିଲା।
ଓଡ଼ିଶା କେନେଲ୍ କ୍ଲବ ପକ୍ଷରୁ ଆୟୋଜିତ ଏହି ଡଗ ଶୋରେ ଚଳିତବର୍ଷ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲେ ଦେଢ଼ ବର୍ଷୀୟ ‘ଟିକ୍ ଟିକ୍ ବୁମ୍’ ଓ ତା ବଡ଼ଭଉଣୀ ‘ଏନା’। ଏହି ୨ ସିହ୍-ଜୁ ବ୍ରିଡର କୁକୁର ଦେଖିବାକୁ ଯେତିକି ସୁନ୍ଦର, ସେମିତି ୱେଲ୍ ଟ୍ରେନ୍ଡ ମଧ୍ୟ। ବ୍ରାଜିଲରୁ ଆସିଥିବା ଏଇ ବ୍ରିଡଙ୍କୁ ଦେଖିବାକୁ ଦେଖଣାହାରୀଙ୍କ ବେଶ୍ ଉତ୍ସାହ ଦେଖିବାକୁ ମିଳିଥିଲା।
Also Read
ଓୟୁଏଟି ଗ୍ରାଉଣ୍ଡରେ ଆୟୋଜିତ ହୋଇଥିବା ଏହି ଡଗ୍ ଶୋ’ ଆଜି ଉଦଯାପନ ହୋଇଛି। ୨ ଦିନିଆ ଏହି ଡଗ ଶୋ ଚାମ୍ପିଅନସିପରେ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ମୋଟ ୪୧ଟି ବ୍ରିଡର ପାଖାପାଖି ୩ ଶହରୁ ଅଧିକ କୁକୁର ଭାଗ ନେଇଥିଲେ। ଜର୍ମାନ ଶେଫର୍ଡ, ଲାବ୍ରାଡର୍, ପଗ୍, ରେଟ୍ରିଭର୍, ବକ୍ସର, ରଟୱିଲର, ଫ୍ରେଞ୍ଚ୍ ବୁଲଡଗ୍ ଭଳି ବିଭିନ୍ନ ବ୍ରିଡର କୁକୁର ଶୋରେ ଶୋଭା ବଢାଇଥିଲେ। ସେମାନଙ୍କ ମଧ୍ୟରେ ଫ୍ୟାସନ୍ ଶୋ, ରାମ୍ପ୍ ୱାକ୍ ଓ ଅନ୍ୟାନ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
