ଆଜିଠୁ ବହୁ ପ୍ରତୀକ୍ଷିତ ହରିଦାସପୁର- ପାରାଦ୍ୱୀପରେଲୱେ ଟ୍ରାକରେ ଗଡ଼ିବ ପାସେଞ୍ଜର ଟ୍ରେନ୍। ଏହାକୁ ପତାକା ଦେଖାଇ ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହାସହ ପ୍ରାରମ୍ଭିକ ଅବସ୍ଥାରେ ପାରାଦୀପରୁ କେନ୍ଦୁଝର ଯାଏଁ ମଧ୍ୟ କ ମେମୁ ଟ୍ରେନ୍ ଚଳାଚଳ କରିବ। ଏହା ହେଲେ କେନ୍ଦ୍ରାପଡ଼ା ଜିଲ୍ଲା ଦେଇ ଗଡ଼ିବ ପ୍ରଥମ ଯାତ୍ରୀବାହୀ ଟ୍ରେନ୍।
ଦିନକ ତଳେ ଏହି ରୁଟରେ ହୋଇଥିଲା ଟ୍ରାଏଲ୍ ରନ୍। ଗତ ରବିବାର ରେଲୱେ ସେଫଟି କମିଶନ୍ ର ଏକ ବିଶେଷଜ୍ଞ ଟିମ଼ କେନ୍ଦ୍ରାପଡ଼ାରେ ପହଞ୍ଚି ରେଳଲାଇନ୍ ଯାଞ୍ଚ୍ କରିବା ସହ ପରୀକ୍ଷାମୂଳକ ଭାବେ ଏକ ପାସେଞ୍ଜର ଟ୍ରେନର ଟ୍ରାଏଲ୍ ରନ୍ କରାଇଥିଲେ।
ହରିଦାସପୁର-ପାରାଦ୍ୱୀପ ରେଲୱେ ଟ୍ରାକରେ ୨୦୨୦ ସେପ୍ଟେମ୍ବରରେ ପ୍ରଥମ କରି ମାଲବାହୀ ଟ୍ରେନ ଚଳାଚଳ କରିଥିଲା। ଆଉ ଆଜି ଯାତ୍ରୀବାହୀ ଟ୍ରେନ ସେବା ଆରମ୍ଭ ହେବାକୁ ଯାଉଥିବାରୁ ଖୁସି ବ୍ୟକ୍ତି କରିଛନ୍ତି ଅଞ୍ଚଳବାସିନ୍ଦା।