ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜର ବଣାଇ ସହର ରେ ଦନ୍ତା ହାତୀ ଉତ୍ପାତ ରେ ଅତିଷ୍ଟ ହେଲେଣି ଅଞ୍ଚଳ ବାସି। ଗତକାଲି ରାତିରେ ଧରଣୀ ଧର ପାଲି ସେକ୍ସନ ରୁ ଗୋଟିଏ ହାତୀ ବଣାଇ ସହରର ଦେଓଗାଁ ରେ ପଶିଥିଲା। ଗାଁରେ ସମସ୍ତ ଲୋକ ରାତିରେ ଘରେ ଶୋଇଥିଲେ। ସେଇ ସମୟରେ ହତୀଟି ଗାଁର କିଛି ଲୋକଙ୍କ ଘର ଭାଙ୍ଗି ଜିନିଷପତ୍ର ସବୁ ନଷ୍ଟ କରିଥିଲା।
ହାତୀଟି ଘର ଭାଙ୍ଗୁଥିବା ବେଳେ ଲୋକମାନେ ଉଠି ପଡ଼ିଥିଲେ। ଆଉ ଲୋକ ମାନେ ଘରୁ ବାହାରକୁ ପଳାଇ ଆସିଥିଲେ। ସେଥି ପାଇଁ ଅଳ୍ପକେ ବର୍ତ୍ତୀ ଯାଇଥିଲେ ଗାଁର କିଛି ଲୋକ। ହାତୀଟିକୁ ଗାଁ ଲୋକ ଗୋଡ଼ାଇବାରୁ ଜଙ୍ଗଲକୁ ପଳାଇ ଯାଇଥିଲା। ଦୁଇ ଦିନ ତଳେ ବାବୁ ନୂଆଗାଁ, କେନାଭେଟା, ଛତିଆ ଢିପା ପ୍ରଭୁତି ଅଞ୍ଚଳରେ ଘର ଭାଙ୍ଗି ଥିଲା ହାତୀ। ଏବେ ହାତୀ ଟି ବ୍ରାହ୍ମଣୀ ନର୍ସରୀ ନିକଟ ଜଙ୍ଗଲ ରେ ଅଛି। ବନ ବିଭାଗ ହାତୀ ଉପରେ ନଜର ରଖିଛି।