ମୁହାଁମୁହିଁ ହେଲେ ପୁଲିସ ଓ ବିକ୍ଷୋଭକାରୀ

୧୦ ଦଫା ଦାବିରେ ଖଣି ସମ୍ମୁଖରେ ବିକ୍ଷୋଭ। ପୁଲିସ ଓ ବିକ୍ଷୋଭକାରୀ ମୁହାଁମୁହିଁ। ସୁନ୍ଦରଗଡ କୋଇଡା ବ୍ଲକ ନାରାୟଣପୋଷରେ ଥିବା ଜେଏସଡବ୍ଲ୍ୟୁ ମାଇନ୍ସ ଗେଟ ସମ୍ମୁଖରେ ଏଭଳି ସ୍ଥିତି ଉପୁଜିଛି। ବଣାଇ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ନେତୃତ୍ୱରେ ସିଆଇଟିୟୁର ହଜାର ହଜାର କର୍ମୀ ଓ କାଶିରା ସରପଞ୍ଚ ୧୦ ଦଫା ଦାବି ନେଇ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ଓ ବିକ୍ଷୋଭ ଜାରି ରଖିଛନ୍ତି। ଏଥିରେ ହଜାର ମହିଳା ଓ ପୁରୁଷ ଏକ ରାଲିରେ ଆସି ଜେଏସଡବ୍ଲ୍ୟୁ ଖଣି ଭିତରକୁ ପ୍ରବେଶ କରିବାକୁ ଉଦ୍ୟମ କରିଥିଲେ। ଏହି ସମୟରେ ବିକ୍ଷୋଭକାରୀ ଓ ପୁଲିସ ଭିତରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା।