ୟଙ୍ଗ ଇଣ୍ଡିଆନସ୍ ଭୁବନେଶ୍ୱର ଏହାର ରୁରାଲ ଇନିସିଏଟିଭ୍ ଅନୁଯାୟୀ ଏକାମ୍ର ହାଟରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ଦ୍ୱାରା ଆୟୋଜିତ ଏକାମ୍ର ଫେଷ୍ଟ ୨୦୨୫ରେ ଏକ ଷ୍ଟଲ୍ ପ୍ରଦର୍ଶନ କରିଛି। ଏହି ଷ୍ଟଲରେ ଗ୍ରାମାଞ୍ଚଳ ଭିନ୍ନକ୍ଷମ କାରିଗରମାନଙ୍କ ଦ୍ୱାରା ନିର୍ମିତ ଅଗରବତୀ ଓ ଫାଇନେଲ ସମେତ ହସ୍ତତନ୍ତ ଉତ୍ପାଦ ପ୍ରଦର୍ଶିତ ହୋଇଛି।
ପ୍ରତ୍ୟେକ ପ୍ରତିଭାବାନ ବ୍ୟକ୍ତିବିଶେଷଙ୍କୁ ସେମାନଙ୍କର ଦକ୍ଷତା ପ୍ରଦର୍ଶନ ଏବଂ ଜୀବିକା ନିର୍ବାହ ପାଇଁ ଏହି ସୁଯୋଗ ଏକ ପ୍ଲାଟଫର୍ମ ପ୍ରଦାନ କରିବାକୁ ଲକ୍ଷ୍ୟ ରଖିଛି। ଭାଗ୍ୟଲକ୍ଷ୍ମୀ ରେଡ୍ଡୀ, ତୁଳସୀ ରେଡ୍ଡୀ, ନିଶାମଣି ସାହୁ, ଶୁଭମ ସାହୁ , ଅଞ୍ଜଳି ପ୍ରଧାନ ଓ ଅନୱାର ଆଲାମଙ୍କ ସମେତ ସମସ୍ତ କାରିଗର ଏହି ପଦକ୍ଷେପର ଏକ ଅବିଚ୍ଛେଦ୍ୟ ଅଙ୍ଗ।
କନଫେଡେରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରି(ସିଆଇଆଇ)ର ୟଙ୍ଗ ଇଣ୍ଡିଆନସ୍ର ଏକ ପଦକ୍ଷେପ ଯାହା ଭାରତର ଭବିଷ୍ୟତକୁ ଏକତ୍ର କରିବା, ନେତୃତ୍ୱ ନେବା ସହ ପୁନଃ ସୃଷ୍ଟି ଏବଂ ପ୍ରଭାବିତ କରିବାକୁ ଚେଷ୍ଟା କରେ। ଏହି ପଦକ୍ଷେପ ମାଧ୍ୟମରେ ୟଙ୍ଗ ଇଣ୍ଡିଆନସ୍ ଭୁବନେଶ୍ୱର ମାର୍ଜିନାଲାଇଜଡ୍ ବର୍ଗର ସମ୍ପ୍ରଦାୟକୁ ସଶକ୍ତିକରଣ ଏବଂ ଅଭିବୃଦ୍ଧିକୁ ପ୍ରୋତ୍ସାହିତ କରିବା ପାଇଁ ନିଜର ପ୍ରତିବଦ୍ଧତା ପ୍ରଦର୍ଶନ କରେ।
ଏହି ପ୍ରତିଭାଶାଳୀ କାରିଗରମାନଙ୍କୁ ସମର୍ଥନ କରି ସେମାନଙ୍କୁ ସେମାନଙ୍କର ଦକ୍ଷତା ପ୍ରଦର୍ଶନ କରିବା ପାଇଁ ଏକ ପ୍ଲାଟଫର୍ମ ଯୋଗାଇ ଦେଇଥିବାରୁ ଆମେ ଗର୍ବିତ ବୋଲି ଟିମ୍ ଆକ୍ସେସିବିଲିଟି, ୟଙ୍ଗ ଇଣ୍ଡିଆନସ୍ ର ହରିଶ ଅଗ୍ରୱାଲ କହିଛନ୍ତି। ସେ ଆହୁରି କହିଛନ୍ତି, ଆମର ଏହି ପଦକ୍ଷେପ ଗ୍ରାମୀଣ ସମ୍ପ୍ରଦାୟ ଜୀବନରେ ଏକ ସକରାତ୍ମକ ପ୍ରଭାବ ସୃଷ୍ଟି କରିବା ପାଇଁ ଆମର ଉତ୍ସର୍ଗୀକୃତତାର ପ୍ରମାଣ।