ରାଜ୍ୟରେ ସାପ କାମୁଡ଼ା ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ସାପଧରାଳୀଙ୍କୁ ପ୍ରଶିକ୍ଷଣ ଓ ବୀମାଭୁକ୍ତ କରିବା ନିମନ୍ତେ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ସାପଧରାଳୀଙ୍କ ବୀମାଭୁକ୍ତ କରାଯିବ ଓ ପ୍ରିମିୟମ ବାବଦ ଅର୍ଥ ରାଜ୍ୟ ଜଙ୍ଗଲ ଓ ପରିବେଶ ବିଭାଗ ବହନ କରିବ ।
ଆଜି ଗଣମାଧ୍ୟମକୁ ସୂଚନା ଦେଇ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି ଯେ,ବିପଦପୂର୍ଣ୍ଣ ପରିବେଶରେ ସାପ ଧରୁଥିବା ବ୍ୟକ୍ତିମାନଙ୍କୁ ବୀମାଭୁକ୍ତ କରିବା ନିମନ୍ତେ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ସାପଧରାଳୀଙ୍କ ବୀମାବାବଦ ପ୍ରିମିୟମ ଅର୍ଥକୁ ରାଜ୍ୟ ଜଙ୍ଗଲ ଓ ପରିବେଶ ବିଭାଗ ବହନ କରିବ। ସମ୍ପୃକ୍ତ ସାପଧରାଳୀଙ୍କୁ ପ୍ରଶିକ୍ଷଣ ଦେବାକୁ ଓସଡମାକୁ ପ୍ରସ୍ତାବ ଦିଆଯିବ। ଯେଉଁମାନେ ଏହି ସାପଧରାଳୀ କାର୍ଯ୍ୟକ୍ରମରେ ଅଛନ୍ତି ସେମାନଙ୍କୁ ଓସଡ଼ମା ପ୍ରଶିକ୍ଷଣ ଦେବ। ଏହାପରେ ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ କରାଯିବ।
ସୂଚନାଯୋଗ୍ୟ, ଗତମାସରେ ରାଜ୍ୟ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ସାପଧରିବା ନିମନ୍ତେ ଏକ ଗାଇଡଲାଇନ୍ ଜାରି ହୋଇଥିଲା। ଏହି ନୂଆ ଗାଇଡଲାଇନ୍ ଅନୁସାରେ କେବଳ ପ୍ରଶିକ୍ଷିତ ସାପଧରାଳୀମାନେ ବନ୍ୟଜନ୍ତୁ ସୁରକ୍ଷା ଆଇନ-୧୯୭୨ ଅନୁସାରେ ସାପ ଧରିବାକୁ ଅନୁମତି ଦିଆଯାଇଛି।