ନଦୀରୁ ଅଜଣା ଯୁବକଙ୍କ ମୃତଦେହ ଊଦ୍ଧାର

ନଦୀରୁ ଅଜଣା ଯୁବକଙ୍କ ମୃତଦେହ ଊଦ୍ଧାର ହୋଇଛି। ଘଟଣାଟି ହେଉଛି ଜଗତସିଂହପୁର ଜିଲ୍ଲା ବାଲିକୁଦା ଥାନା ଅନ୍ତର୍ଗତ ମାଛଗାଁ ନିକଟରେ ଦେବୀ ନଦୀରୁ।

ଆଜି ଅପରାହ୍ନ ୫ଟା ସମୟରେ ଦେବୀ ନଦୀରୁ ଅଜଣା ଯୁବକର ମୃତ ଦେହ ଉଦ୍ଧାର ହୋଇଛି। ମୃତ ଯୁବକର ବୟସ ଆନୁମାନିକ ୩୫ରୁ ୪୦ବର୍ଷ ହେବ ବୋଲି ଅନୁମାନ କରାଯାଉଛି। ତେବେ କିଏ ଏହି ଯୁବକ ଓ କିପରି ସେ ନଦୀରେ ବୁଡ଼ିଗଲେ ତାହା ଅସ୍ପଷ୍ଟ ରହିଛି। କିଛି ଯୁବକ ନଦୀକୁ ଯିବା ବେଳେ ଏହି ମୃତଦେହକୁ ଦେଖିଥିଲେ। ଆଉ ସଙ୍ଗେସଙ୍ଗେ ଅଗ୍ନିଶମ ବାହିନୀକୁ ଖବର ଦେଇ ଥିଲେ। ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ମୃତ ଯୁବକକୁ ଉଦ୍ଧାର କରି ନିକଟସ୍ଥ ବାଲିକୁଦା ମେଡିକାଲକୁ ପଠାଇ ଥିବା ଜଣା ପଡ଼ିଛି। ବାଲିକୁଦା ପୁଲିସ ଘଟଣାର ସ୍ଥଳରେ ପହଞ୍ଚି ତଦନ୍ତ କରୁଛି।