ବାରିପଦା ସହରରେ ବୁଲୁଥିବା କଲରାପତରିଆ ବାଘକୁ ଟ୍ରାଙ୍କୁଲାଇଜ କରିଛି ବନ ବିଭାଗ। ବୁଢୀଖମାରୀ ଅଞ୍ଚଳରୁ ଟ୍ରାଙ୍କୁଲାଇଜ କରିଛନ୍ତି ରେସ୍କ୍ୟୁ ଟିମ୍।
ଖାଦ୍ୟ ଅନ୍ୱେଷଣରେ ଶିମିଳିପାଳ ଅଭୟାରଣ୍ୟରୁ ବାରିପଦା ସହର ଭିତରକୁ ପଶି ଆସିଥିଲା ବାଘ। ଆଜି ସକାଳେ ବାରିପଦା ସହର ଭଞ୍ଜପୁର ସ୍ଥିତ ବୁଢ଼ୀଖମାରିଆ ପ୍ରାଥମିକ ବିଦ୍ୟାଳୟ ନିକଟରେ ବାଘକୁ ଦେଖିବାକୁ ମିଳିଥିଲା। କୁକୁରମାନେ ଜୋରରେ ଭୁକିବାରୁ କଲରାପତରିଆ ବାଘଟି ଭୟରେ ପାଚେରି ଡେଇଁ ସ୍କୁଲ ପରିସରରେ ପଶିଯାଇଥିଲା।
ସ୍ଥାନୀୟ ଲୋକେ ଏହା ଦେଖିବା ପରେ ବନ ବିଭାକୁ ଖବର ଦେଇଥିଲେ। ବନ କର୍ମଚାରୀ ପହଞ୍ଚି ବାଘକୁ ଖୋଜାଖୋଜି କରିଥିଲା। ଶେଷରେ ବୁଢ଼ୀଖମାରିଆରୁ ଟ୍ରାଙ୍କୁଲାଇଜ କରାଯାଇଥିଲା।