ଆସିଲା ୨ୟ ପର୍ଯ୍ୟାୟ ସେରୋ ସର୍ଭେ ରିପୋର୍ଟ, କେତେ ରାଜଧାନୀବାସୀଙ୍କ ଶରୀରରେ ରହିଛି ଆଣ୍ଟିବଡି?

ନୂଆଦିଲ୍ଲୀ: ଗୁରୁବାର କରୋନା ଭୂତାଣୁକୁ ନେଇ କରାଯାଇଥିବା ଦ୍ୱିତୀୟ ପର୍ଯ୍ୟାୟ ସେରୋ ସର୍ଭେ ରିପୋର୍ଟ ସାମ୍ନାକୁ ଆସିଛି। ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ଏହା ଜାରି କରିଛନ୍ତି। ୨୯ ପ୍ରତିଶତ ଦିଲ୍ଲୀ ବାସିନ୍ଦାଙ୍କ ଶରୀରରେ ଆଣ୍ଟିବଡି ରହିଥିବା ରିପୋର୍ଟରୁ ଜଣାପଡ଼ିଛି। ଅର୍ଥାତ୍ ଦିଲ୍ଲୀରେ ପାଖାପାଖି ୫୮ ଲକ୍ଷ ଲୋକଙ୍କ ଶରୀରରେ କରୋନା ଭୂତାଣୁ ସହ ଲଢ଼ିବାକୁ ଆଣ୍ଟିବଡି ରହିଛି।

ସତ୍ୟେନ୍ଦ୍ର ଜୈନ୍ ଏକ ସାମ୍ବାଦିକ ସମ୍ମିଳନୀ ଜରିଆରେ ଏହି ସୂଚନା ଦେଇଛନ୍ତି। ସେ କହିଛନ୍ତି, ଦିଲ୍ଲୀରେ ଅଗଷ୍ଟ ୧ରୁ ୭ ତାରିଖ ମଧ୍ୟରେ ସେରୋ ସର୍ଭେ ପାଇଁ ନମୁନା ସଂଗ୍ରହ କରାଯାଇଥିଲା। ସର୍ଭେରୁ ୨୯.୧% ଲୋକଙ୍କ ଶରୀରରେ ଆଣ୍ଟିବଡି ଥିବା ଜଣାପଡ଼ିଛି। ତେବେ ଏହା ହେଉଛି ଦ୍ୱିତୀୟ ପର୍ଯ୍ୟାୟ ସେରୋ ସର୍ଭେ। ପ୍ରଥମ ପର୍ଯ୍ୟାୟରେ ୨୧,୩୮୭ ନମୁନା ପରୀକ୍ଷଣ କରାଯାଇଥିଲା। ଏଥର ୧୫୦୦୦ ଲୋକଙ୍କ ନମୁନା ନିଆଯାଇଥିଲା। ତେବେ ଦିଲ୍ଲୀରେ ପ୍ରାୟ ୨ କୋଟି ଲୋକ ବାସ କରନ୍ତି।

ଦ୍ୱିତୀୟ ପର୍ଯ୍ୟାୟ ସେରୋ ସର୍ଭେରେ ୨୮.୩% ପୁରୁଷ ଏବଂ ୩୨.୨% ମହିଳାଙ୍କ ମଧ୍ୟରେ ଆଣ୍ଟିବଡି ଥିବା ଜଣାପଡ଼ିଛି। ସେହିପରି ୧୮ ବର୍ଷରୁ କମ୍ ବୟସର ୩୪% ଲୋକଙ୍କ ଶରୀରରେ ଆଣ୍ଟିବଡି ରହିଛି। ୨୮.୫% ୧୮ରୁ ୪୯ ବର୍ଷ ବୟସ୍କ ଏବଂ ୩୧.୨% ୫୦ ବର୍ଷରୁ ଊର୍ଦ୍ଧ୍ୱ ବୟସର ଲୋକଙ୍କ ମଧ୍ୟରେ କରୋନା ଭୂତାଣୁ ସହ ଲଢ଼ିବାକୁ ଆଣ୍ଟିବଡି ଥିବା ଜଣାପଡ଼ିଛି। ତେବେ ଦକ୍ଷିଣ-ପୂର୍ବ ଦିଲ୍ଲୀରେ ସର୍ବାଧିକ ୩୩.୨% ଲୋକଙ୍କ ମଧ୍ୟରେ ଆଣ୍ଟିବଡି ରହିଛି। ସର୍ଭେ ଅନୁସାରେ, ଜୁଲାଇ ମାସରେ ୨୯.୧ ଲୋକଙ୍କ ଶରୀରରେ ଆଣ୍ଟିବଡି ମିଳିଛି। ଅର୍ଥାତ୍ ସର୍ବମୋଟ ୫.୬% ଲୋକଙ୍କ ମଧ୍ୟରେ ସଂକ୍ରମଣ ବଢ଼ିଛି, ଯାହା ଫଳରେ ଆଣ୍ଟିବଡି ତିଆରି ହୋଇଛି।

ସ୍ୱାସ୍ଥ୍ୟମନ୍ତ୍ରୀ ଜୈନ ଆହୁରି ମଧ୍ୟ କହିଛନ୍ତି, “ବର୍ତ୍ତମାନ ପରିସ୍ଥିତିରେ ଭଲ କଥା ହେଉଛି ଏତେ ସଂଖ୍ୟକ ଲୋକ ବର୍ତ୍ତମାନ ସୁସ୍ଥ ହୋଇସାରିଛନ୍ତି। ତଥାପି ଆମେ ହର୍ଡ ଇମ୍ୟୁନିଟି ସ୍ତରକୁ ପହଞ୍ଚିପାରି ନାହାନ୍ତି। ଏଣୁ ଯେତେକି ଲୋକ ଜୀବିତ ଅଛନ୍ତି, ସମସ୍ତଙ୍କୁ ସଂକ୍ରମଣର ଭୟ ରହିଛି। ଅର୍ଥାତ୍ ପ୍ରାୟ ୭୦% ଲୋକଙ୍କ ଶରୀରରେ ଆଣ୍ଟିବଡି ତିଆରି ହୋଇନାହିଁ। ଅତିକମରେ ଆମେ ଜାଣିପାରିଲେ ଯେ, କେତେ ଲୋକ ସଂକ୍ରମିତ ହୋଇ ସୁସ୍ଥ ହୋଇସାରିଛନ୍ତି। ଏହା ଏକ ଭଲ ବିଷୟ।”

ଆହୁରି ପଢ଼ନ୍ତୁ

ଉତ୍ତର ପ୍ରଦେଶ ଗଣଦୁଷ୍କର୍ମ ଓ ହତ୍ୟା ଘଟଣା: ୨୫ ଲକ୍ଷ ଟଙ୍କାର କ୍ଷତି ପୂରଣ ଘୋଷଣା

କୃଷ୍ଣ ଜନ୍ମଭୂମି ମାମଲା: ମସଜିଦ ଉଚ୍ଛେଦ ଆବେଦନ ଖାରଜ, କ’ଣ ଥିଲା ପୂରା ଇତିହାସ ଜାଣନ୍ତୁ

ଦେଶରେ ପ୍ରଥମ: ଏହି ରାଜ୍ୟରେ ୨୫% ଛାଡ଼ ହେଲା ସ୍କୁଲ ଫି’

ଆୟକର ରିଟର୍ଣ୍ଣର ଅବଧି ପୁଣି ବଢ଼ିଲା, ନୂଆ ତାରିଖ ସମ୍ପର୍କରେ ଜାଣନ୍ତୁ

କ୍ରିକେଟର ମହମ୍ମଦ ଶାମିଙ୍କ ପତ୍ନୀଙ୍କ ସୁରକ୍ଷା ସମ୍ପର୍କରେ ପୁଲିସକୁ‌ ଏମିତି ନିର୍ଦ୍ଦେଶ ଦେଲେ କୋର୍ଟ

ୟୁପିରେ ନିର୍ଭୟା ଗଣଦୁଷ୍କର୍ମର ପୁନରାବୃତ୍ତି: ଯୋଗୀଙ୍କ ଇସ୍ତଫା ଦାବି ଜୋର ଧରିଲା

ଲକ୍ଷେ ମୁହାଁ ଦେଶରେ କରୋନା ମୃତ୍ୟୁସଂଖ୍ୟା

ଅର୍ଗାନ ଡୋନେଟ କରିବେ ଅମିତାଭ, କିନ୍ତୁ ଫ୍ୟାନ୍‌ ଉଠାଇଲେ ପ୍ରଶ୍ନ

ହାଥରସ ମାମଲା: ପୀଡ଼ିତା ଦୁଷ୍କର୍ମର ଶିକାର ହୋଇ ନାହାନ୍ତି କହିଲେ ଆଇଜି

ବାବ୍ରି ମସଜିଦ ଭଙ୍ଗା ମାମଲାର ରାୟ ଶୁଣାଇ ଅବସର ନେବେ ଜଷ୍ଟିସ୍ ଏସ.କେ ଯାଦବ

ହାଥରସ ଦୁଷ୍କର୍ମ ମାମଲା, ଯୋଗୀଙ୍କ ସହ କଥା ହେଲେ ମୋଦି

ଜାପାନ ଯିବେ ଜୟଶଙ୍କର, ବଢ଼ିଲା ଚୀନର ଟେନସନ