ପ୍ରବାସୀଙ୍କ ଶ୍ରମିକ ସ୍ପେଶାଲ ଟ୍ରେନରେ ଗଲାଣି ୮୦ ଜଣଙ୍କ ଜୀବନ

ନୂଆଦିଲ୍ଲୀ: କରୋନା ଲଢ଼େଇ ଭିତରେ ସବୁଠାରୁ ଅଧିକ କ୍ଷତି ସହିଛନ୍ତି ବିଭିନ୍ନ ରାଜ୍ୟରେ ଫସି ରହିଥିବା ପ୍ରବାସୀ। ପ୍ରବାସୀଙ୍କୁ ନିଜ ଘରକୁ ପଠାଇବା ପାଇଁ ରେଳ ମନ୍ତ୍ରଣାଳୟ ଶ୍ରମିକ ସ୍ପେଶାଲ ଟ୍ରେନ ଚଳାଚଳ କରୁଛି। ତେବେ ମେ’୯ରୁ ୨୭ ମଧ୍ୟରେ ଏହି ଟ୍ରେନ୍‌ରେ ଯାତ୍ରା କରୁଥିବା ବେଳେ ପ୍ରାୟ ୮୦ ଜଣଙ୍କ ଜୀବନ ଯାଇଥିବା ଆଜି ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି।

ଏମାନଙ୍କ ମଧ୍ୟରୁ ଜଣେ କରୋନା ଆକ୍ରାନ୍ତ ଥିବା ବେଳେ ୧୧ ଜଣ ବିଭିନ୍ନ ରୋଗ କାରଣରୁ ପ୍ରାଣ ହରାଇଛନ୍ତି। ମେ’ ୨୩ରେ ୧୦ ଜଣ, ୨୪ ଓ ୨୫ ତାରିଖରେ ୯ ଜଣ ଲେଖାଏ, ମେ’ ୨୭ରେ ୮ ଜଣ ଏବଂ ମେ’ ୨୬ରେ ୧୩ ଜଣ ଲୋକ ଟ୍ରେନ ମଧ୍ୟରେ ମୃତ୍ୟୁବରଣ କରିଛନ୍ତି।

କରୋନା ଲକଡାଉନ ଯୋଗୁ କୋଟି କୋଟି ଶ୍ରମିକ କାମଧନ୍ଦା ହରାଇଛନ୍ତି। ଏହି କାରଣରୁ ସେମାନେ ଏବେ ନିଜ ଗାଁକୁ ଫେରିବାକୁ ବ୍ୟାକୁଳ। ଏଥିପାଇଁ କିଏ ଚାଲି ଚାଲି ଶହଶହ କିମି ପଥ ଅତିକ୍ରମ କରୁଥିବା ବେଳେ ଆଉ କିଏ ସାଇକେଲ କିମ୍ବା ଟ୍ରକରେ ଫେରୁଛନ୍ତି। ଏହି ସମୟରେ ବି ଶତାଧିକ ପ୍ରବାସୀ ପ୍ରାଣ ହରାଉଥିବା ଦେଖିବାକୁ ମିଳିଛି।

ଦେଶର ବଭିନ୍ନ ପ୍ରାନ୍ତରୁ ପ୍ରବାସୀଙ୍କୁ ନେଇ ଯନ୍ତ୍ରଣା ଦାୟକ ଭିଡିଓ ଓ ଫଟୋ ଆସିବାରୁ ରେଳ ବିଭାଗ ଶ୍ରମିକ ସ୍ପେଶାଲ ଟ୍ରେନ ଚଳାଚଳ ଆରମ୍ଭ କରିଥିଲା। ତେବେ ଏଥିରେ ଯାତ୍ରା କରିବା ବେଳେ ବି ପ୍ରବାସୀମାନେ ପ୍ରାଣ ହରାଇବାରେ ଲାଗିଲେଣି।

ଆହୁରି ପଢ଼ନ୍ତୁ

ତିର୍ତ୍ତୋଲ ଉପନିର୍ବାଚନ: ସମର୍ଥକଙ୍କ ସହ ବିଜେପିରେ ମିଶିଲେ ରାଜକିଶୋର

ବର୍ଷାର ମୁକାବିଲା ପାଇଁ ଜିଲ୍ଲାପାଳଙ୍କୁ ଏସ୍‌ଆର୍‌ସିଙ୍କ ନିର୍ଦ୍ଦେଶ

ଭୁବନେଶ୍ୱରରୁ ୩୦୫ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୨୧୫ ଲୋକାଲ କେସ୍‌

ମୋଦି ସରକାରଙ୍କ କୃଷି ଆଇନରେ କଣ ରହିଛି, ଯାହାକୁ ଚାଷୀ ବିରୋଧ କରୁଛନ୍ତି

ପ୍ରକାଶ ପାଇଲା ଯୁକ୍ତ ଦୁଇ ପାଇଁ ପ୍ରଥମ କଟ୍ ଅଫ୍ ମାର୍କ, ଆଗରେ ରେଭେନ୍ସା ଜୁନିୟର କଲେଜ

୨୫ ବର୍ଷର ଯୁବକଙ୍କ ସମେତ ରାଜ୍ୟରେ ଆଖି ବୁଜିଲେ ୧୩ କରୋନା ଆକ୍ରାନ୍ତ

ବୋଲେରୋରୁ ମିଳିଲା ୯୩ କେଜି ଗଞ୍ଜେଇ, ଚାଲାଣ ହେଉଥିଲା ଏପରି…

ଓଡ଼ିଶାର କଶ୍ମୀରରେ କେବେ ଖୋଲିବ ହୋଟେଲ୍‌?

ଆମେରିକାରେ ଚମକିଲେ ଓଡ଼ିଆ ପୁଅ

ଆରୋଗ୍ୟ ହେଲେ ୩୬୦୭ କରୋନା ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ରାଜ୍ୟରେ ଗୋଷ୍ଠୀ ସଂକ୍ରମଣ ଫୋର୍ଥ ଷ୍ଟେଜ୍‌ରେ!

ଆଉ ଜଣେ ବିଧାୟକ କରୋନାରେ ଆକ୍ରାନ୍ତ