ନୂଆଦିଲ୍ଲୀ: ଆମ୍ ଆଦମୀ ପାର୍ଟି ଏଯାଏଁ ତାଙ୍କୁ ଦଳରୁ ବହିଷ୍କାର କରାଯାଇଥିବା ନେଇ ନିର୍ଦେଶ ପଠାଇ ନାହିଁ ବୋଲି କହିଛନ୍ତି ଯୋଗେନ୍ଦ୍ର ଯାଦବ । ସେ କହିଛନ୍ତି ଯେ ତାଙ୍କୁ ଆପରୁ ବହିଷ୍କାର କରାଯିବା ନେଇ ହୋଇଥିବା ଘୋଷଣାକୁ ସପ୍ତାହେରୁ ଅଧିକ ସମୟ ବିତି ଯାଇଛି । ତେବେ ଏଯାବତ ଆପ ପକ୍ଷରୁ ତାଙ୍କୁ ବହିଷ୍କାର କରାଯାଇଥିବା ନେଇ କୌଣସି ପ୍ରକାର ଲିଖିତ ନିର୍ଦେଶ ଦିଆଯାଇନାହିଁ ।
ଏପ୍ରିଲ ୨୦ ତାରିଖରେ ଯୋଗେନ୍ଦ୍ରଙ୍କ ସହିତ ପ୍ରଶାନ୍ତ ଭୂଷଣଙ୍କୁ ଦଳ ବିରୋଧୀ କାର୍ଯ୍ୟ ଅଭିଯୋଗରେ ଆପରୁ ବହିଷ୍କାର କରାଯାଇଥିଲା । ଏହି ଦୁଇ ନେତାଙ୍କ ସହିତ ଅଜିତ ଝା ଓ ଆନନ୍ଦ କୁମାରଙ୍କୁ ବି ଦଳରୁ ବହିଷ୍କାର କରି ଦେଇଛି ଆପ୍ ।
ଦିଲ୍ଲୀ ବିଧାନସଭା ଜିତିବାର ପ୍ରାୟ ୧୫ ଦିନ ପରେ ଆପରେ ଆରମ୍ଭ ହୋଇଯାଇଥିଲା ଅନ୍ତଃକନ୍ଦଳ । ଉଭୟ ଯୋଗେନ୍ଦ୍ର ଓ ପ୍ରଶାନ୍ତ ଆପ୍ ଆବାହକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଏକଛତ୍ରବାଦୀ ଭାବେ ଅଭିହିତ କରିଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
