/odisha-reporter/media/agency_attachments/2025/09/10/2025-09-10t082211800z-640x480-or-sukant-rout-2025-09-10-13-52-11.png)
/odisha-reporter/media/post_attachments/uploads/2020/09/Untitled-1-12.jpg)
SSR
ନୂଆଦିଲ୍ଲୀ: ତିନି ମାସ ପରେ ମଧ୍ୟ ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲା ଚର୍ଚ୍ଚାରେ ରହିଛି। ନିକଟରେ ଏମସ୍ ଡାକ୍ତରୀ ପ୍ୟାନେଲ୍ ଅଭିନେତାଙ୍କ ମୃତ୍ୟୁକୁ ଆତ୍ମହତ୍ୟା କହିଥିବା ବେଳେ ହତ୍ୟା ଆଶଙ୍କାକୁ ଖାରଜ୍ କରିଦେଇଛି। ହେଲେ ଏହା ପରେ ପରେ ଡା. ସୁଧୀର ଗୁପ୍ତାଙ୍କ ଏକ ଅଡିଓ କ୍ଲିପ୍ ଲିକ୍ ହୋଇଛି, ଯେଉଁଥିରେ ସେ ସୁଶାନ୍ତଙ୍କୁ ହତ୍ୟା କରାଯାଇଥିବା କହିଛନ୍ତି।
ଜାତୀୟ ଗଣମାଧ୍ୟମ ଅନୁଯାୟୀ, ଲିକ୍ ହୋଇଥିବା ଉକ୍ତ ଅଡିଓ କ୍ଲିପରେ ଏମସ୍ ମୁଖ୍ୟ ଡା. ସୁଧୀର ଗୁପ୍ତା ସୁଶାନ୍ତ ଆତ୍ମହତ୍ୟା କରି ନ ଥିଲେ ବରଂ ତାଙ୍କ ହତ୍ୟା କରାଯାଇଛି ବୋଲି ଦୃଢ଼ୋକ୍ତି ଦେଇଛନ୍ତି। ସୁଶାନ୍ତ ମୃତ୍ୟୁ ପରେ ତାଙ୍କ ମୃତଦେହର ଫଟୋ ଦେଖି 200 ପ୍ରତିଶତ ଏହା ହତ୍ୟା ମାମଲା ବୋଲି ଡା. ଗୁପ୍ତା ବୟାନ ଦେଇଛନ୍ତି। ହେଲେ ପରବର୍ତ୍ତୀ ସମୟରେ ତାଙ୍କର ବୟାନ ବଦଳିଯାଇଛି।
ନିକଟରେ ଏମସ୍ ପ୍ୟାନେଲ ରିପୋର୍ଟ ସମ୍ପୂର୍ଣ୍ଣ ମାମଲାକୁ ଭିନ୍ନ ଦିଗକୁ ନେଇଯାଇଛି। ରିପୋର୍ଟରେ ସୁଶାନ୍ତଙ୍କ ହତ୍ୟା ଦାବିକୁ ଖାରଜ କରାଯାଇଛି। ଏହି ପରିପ୍ରେକ୍ଷୀରେ ଡା. ଗୁପ୍ତା କହିଛନ୍ତି, ଆମେ ସୁଶାନ୍ତଙ୍କ ଫରେନ୍ସିକ୍ ତଦନ୍ତ ଶେଷ କରି ରିପୋର୍ଟ ପ୍ରସ୍ତୁତ କରିଛୁ। ଫାଶୀ ବ୍ୟତୀତ ତାଙ୍କ ଶରୀରରେ କୌଣସି ପ୍ରକାର କ୍ଷତ, ଆଘାତ ନାହିଁ। ଏପରିକି ସୁଶାନ୍ତଙ୍କ ଶରୀର ଏବଂ ପୋଷାକରେ କୌଣସି ସଂଘର୍ଷର ଚିହ୍ନ ମଧ୍ୟ ମିଳିନାହିଁ ବୋଲି ସେ କହିଥିଲେ।
Highly perturbed with AIIMS report. Going to request CBI Director to constitute a fresh Forensic team . How could AIIMS team give a conclusive report in the absence of the body,that too on such shoddy post mortem done by Cooper hospital wherein time of death also not mentioned .
— Vikas Singh (@vikassinghSrAdv) October 4, 2020
ଅନ୍ୟପଟେ ସୁଶାନ୍ତଙ୍କ ପରିବାର ଲୋକ ଏବେ ନୂଆ ଟିମ୍ ଦ୍ୱାରା ଫରେନ୍ସିକ୍ ତଦନ୍ତ ପାଇଁ ଦାବି କରିଛନ୍ତି।