ମୁଡ ଅଫ ନେଶନ: ସଲମାନଙ୍କୁ ପ୍ରଥମଥର ପଛରେ ପକାଇ ୧ନଂରେ ଅକ୍ଷୟ କୁମାର

t

t

Hemant Lenka
  • Published: Wednesday, 12 August 2020
  • Updated: 12 August 2020, 05:48 PM IST

ମୁମ୍ବାଇ: ସୋଶାଲ ମିଡିଆରେ ଆଉଟସାଇଡର ବନାମ ଇନସାଇଡରକୁ ନେଇ ବିତର୍କ ଚାଲିଥିବା ବେଳେ ବଲିଉଡ ଷ୍ଟାର ଅକ୍ଷୟ କୁମାର ସମସ୍ତ ଅଭିନେତାଙ୍କୁ ପଛରେ ପକାଇ ମୁଡ ଅଫ ନେଶନ ସର୍ଭେର ୧ନଂ ସ୍ଥାନରେ ପହଞ୍ଚି ଯାଇଛନ୍ତି। ଇଣ୍ଡିଆ ଟୁଡେ-କାର୍ଭି ଇନସାଇଟସ ପକ୍ଷରୁ ଏହି ସର୍ଭେ କରାଯାଇଥିଲା।

ସର୍ଭେ ବେଳେ ପ୍ରଥମଥର ପାଇଁ ବଲିଉଡର ଦବଙ୍ଗ ତଥା ଭାଇଜାନ ସଲମାନ ଖାନଙ୍କୁ ପଛରେ ପକାଇ ଅକ୍ଷୟ କୁମାର ବଲିଉଡର ୧ନଂ ଷ୍ଟାର ହୋଇଯାଇଛନ୍ତି। ଅକ୍ଷୟ କୁମାରଙ୍କୁ ୨୪% ଭୋଟ ମିଳିଛି। ସେହିପରି ଦ୍ୱିତୀୟ ସ୍ଥାନରେ ୨୩% ଭୋଟ ସହ ବିଗ ବି ଅମିତାଭ ବଚ୍ଚନ ରହିଛନ୍ତି।

ତୃତୀୟ ସ୍ଥାନରେ ଶାହରୁଖ ଖାନ ରହିଥିବା ବେଳେ ତାଙ୍କ ସପକ୍ଷରେ ୧୧% ଭୋଟ ପଡ଼ିଛି। ସେହିପରି ଭାଇଜାନ ମାତ୍ର ୧୦% ଭୋଟ ପାଇ ୪ର୍ଥ ସ୍ଥାନରେ ରହିଛନ୍ତି। ଅନ୍ୟମାନଙ୍କ ମଧ୍ୟରେ ଆମୀର ଖାନ(୬%) ୫ମ ସ୍ଥାନରେ ଓ ଅନ୍ୟାନ୍ୟ ହିରୋ ମାନଙ୍କୁ ୬% ଭୋଟ ମିଳିଛି।

ଗତବର୍ଷ ମୁଡ ଅଫ ନେଶନ ସର୍ଭେ ବେଳେ ସଲମାନ ଓ ଅକ୍ଷୟ ଯୁଗ୍ମ ଭାବେ ପ୍ରଥମ ସ୍ଥାନରେ ରହିଥିଲେ। କିନ୍ତୁ ୨୦୧୬ରୁ ଅକ୍ଷୟ କୁମାରଙ୍କ ଲୋକପ୍ରିୟତା ଧୀରେଧୀରେ ବଢ଼ୁଥିବାରୁ ସେ ୨୦୨୦ରେ ସଲମାନଙ୍କୁ ପଛରେ ପକାଇ ଦେଇଛନ୍ତି।

ଅନ୍ୟପକ୍ଷରେ ଫୋର୍ବସ ୨୦୨୦ ତାଲିକାରେ ଏକାମାତ୍ର ବଲିଉଡ ଷ୍ଟାର ଭାବେ ସ୍ଥାନ ପାଇଥିଲେ। ଅକ୍ଷୟ ଗତବର୍ଷ ପ୍ରାୟ ୩୬୨ କୋଟି ଟଙ୍କା ଆୟ କରିଥିବାରୁ ତାଙ୍କୁ ଏଭଳି ସଫଳତା ମିଳିଥିଲା।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories