ପରାଜୟ ସ୍ୱୀକାର କଲେ ଝାରଖଣ୍ଡ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଭୋଟ ଗଣତି ବେଳେ ବିଜୟ ନେଇ ଦମ୍ଭୋକ୍ତି କରୁଥିବା ବିଜେପି ନେତା ତଥା ଝାରଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାସ ଶେଷରେ ନିଜର ପରାଜୟ ସ୍ୱୀକାର କରିଛନ୍ତି। ସେ କହିଛନ୍ତି, “ବିଜେପି ଲୋକଙ୍କ ନିଷ୍ପତ୍ତିକୁ ଗ୍ରହଣ କରୁଛି। ଆମେ ପରାଜୟ ସ୍ୱୀକାର କରୁଛୁ।”

ଏହାର ଅର୍ଥ କଂଗ୍ରେସ-ଜେଏମଏମ ଓ ଆରଜେଡି ଝାରଖଣ୍ଡରେ ସରକାର ଗଠନ କରିବେ। ଏହାପୂର୍ବରୁ ରଘୁବର କହିଥିଲେ, “ମୋର ବିଶ୍ୱାସ ଯେ ବିଜେପି ଶେଷରେ ଜିତିବ। ମୁଁ ଶେଷ ଯାଏ ଫଳାଫଳକୁ ଅପେକ୍ଷା କରିଛି। ଆପଣମାନେ ବି ଚୂଡ଼ାନ୍ତ ଫଳାଫଳ ପ୍ରକାଶ ପାଇଲା ଯାଏ ବ୍ୟସ୍ତ ହୁଅନ୍ତୁ ନାହିଁ।”

ଅନ୍ୟପକ୍ଷରେ ରଘୁବାର ଦାସ ଜାମସେଦପୁର ପୂର୍ବ ଆସନରେ ପଛରେ ପଡ଼ି ଯାଇଛନ୍ତି। ଏହି ଆସନରୁ ସିଏ ୧୯୯୫ରୁ କ୍ରମାଗତ ଭାବେ ଜିତି ଆସୁଛନ୍ତି। ଝାରଖଣ୍ଡରେ କୌଣସି ମୁଖ୍ୟମନ୍ତ୍ରୀ କ୍ରମାଗତ ଦ୍ୱିତୀୟଥର ପାଇଁ ବିଜୟୀ ହୋଇ ନାହାନ୍ତି। ତେଣୁ ରଘୁବର ସମାନ ସ୍ଥିତିରେ ସମ୍ମୁଖୀନ ହେବାର ଆଶଙ୍କା ପ୍ରକାଶ ପାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।