ତେଲେଙ୍ଗାନାରେ ମେଣ୍ଟ କଲେ କଂଗ୍ରେସ, ଟିଡିପି ଓ ସିପିଆଇ

ହାଇଦ୍ରାବାଦ୍‌: ଅନ୍ୟ ରାଜ୍ୟରେ ପରସ୍ପର ବିରୋଧରେ ନିର୍ବାଚନ ଲଢ଼ୁଥିବା କଂଗ୍ରେସ, ଆନ୍ଧ୍ରପ୍ରଦେଶର କ୍ଷମତାସୀନ ତେଲୁଗୁ ଦେଶମ ପାର୍ଟି(ଟିଡିପି) ଓ ସିପିଆଇ ଏବେ ତେଲେଙ୍ଗାନାରେ ଏକାଠି ହୋଇଛନ୍ତି। ଏହି ୩ ଦଳ ଆଗାମୀ ତେଲେଙ୍ଗାନା ବିଧାନସଭା ନିର୍ବାଚନରେ ଏକାଠି ଲଢ଼ିବେ ବୋଲି ଆଜି ଘୋଷଣା କରିଛନ୍ତି। 
 
ମେଣ୍ଟ ଘୋଷଣା ସହ ୩ ରାଜନୀତିକ ଦଳ ପରବର୍ତ୍ତୀ ନିର୍ବାଚନ ଯାଏ ତେଲେଙ୍ଗାନାରେ ରାଷ୍ଟ୍ରପତି ଶାସନ ଜାରି କରାଯାଉ ବୋଲି ଦାବି କରିଛନ୍ତି। କିଛି ଦିନ ତେଳେ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ (କେସିଆର୍‌) ବିଧାନସଭାର କାର୍ଯ୍ୟକାଳ ଶେଷ ହେବାର ୧୦ ମାସ ଆଗରୁ ଭାଙ୍ଗିଦେଇ ଥିଲେ। 
ଏନେଇ ସେ ରାଜ୍ୟପାଳଙ୍କୁ ଜଣାଇବା ସହ ଆଗୁଆ ବିଧାନସଭା ନିର୍ବାଚନ ପାଇଁ ପଥ ପରିଷ୍କାର କରିଥିଲେ। ତେବେ ପରବର୍ତ୍ତୀ ନିର୍ବାଚନ ଯାଏ କେସିଆର୍‌ କାମଚଳା ମୁଖ୍ୟମନ୍ତ୍ରୀ ରହିବେ ବୋଲି ରାଜ୍ୟପାଳ ଘୋଷଣା କରିଛନ୍ତି।
 
ଆଜି କଂଗ୍ରେସ, ଟିଡିପି ଓ ସିପିଆଇ ମେଣ୍ଟ କରିବା ପରେ କହିଛନ୍ତି, ଯଦି କେସିଆର୍‌ ପରବର୍ତ୍ତୀ ନିର୍ବାଚନ ଯାଏ କାମଚଳା ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିବେ, ତା’ହେଲେ ଏକ ସ୍ୱଚ୍ଛ ଜନାଦେଶ ତେଲେଙ୍ଗାନାରେ ଦେଖିବାକୁ ମିଳିବ ନାହିଁ। ତେଣୁ ଏଠାରେ ରାଷ୍ଟ୍ରପତି ଶାସନ ଲାଗୁ କରାଯିବା ଦରକାର। 
 
ଯଦି  ରାଷ୍ଟ୍ରପତି ଶାସନ ଲାଗୁ ନ ହୁଏ, ତା’ହେଲେ ସେମାନେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେବେ ବୋଲି ମେଣ୍ଟ ପକ୍ଷରୁ ଆଜି କୁହାଯାଇଛି। କଂଗ୍ରେସ କହିଛି, କେସିଆର୍‌ ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇସାରାରେ କାର୍ଯ୍ୟ କରୁଛନ୍ତି।

ଆହୁରି ପଢ଼ନ୍ତୁ

ସୁଶାନ୍ତ ମୃତ୍ୟୁ ମାମଲା: ରିୟାଙ୍କ ଆବେଦନ ଉପରେ କ’ଣ କହିଲେ ସୁପ୍ରିମକୋର୍ଟ

ମନ୍ଦିର ପାଇଁ ଶିଳାନ୍ୟାସ କରିବା ପରେ ଦେଶବାସୀଙ୍କୁ କ’ଣ କହିଲେ ମୋଦି

କେମିତି ହେବ ଭବ୍ୟ ରାମ ମନ୍ଦିର, ସଂକ୍ଷେପରେ ଜାଣନ୍ତୁ ରୂପରେଖ

ସୁଶାନ୍ତଙ୍କ ମୃତ୍ୟୁର ତଦନ୍ତ କରିବ ସିବିଆଇ, ମିଳିଲା କେନ୍ଦ୍ରର ଅନୁମତି

ଅମାନିଆଙ୍କ ପାଇଁ ଜାରି ହେଲା ହ୍ୱାଟ୍ସଆପ୍‌ ନମ୍ୱର

ଟେଲର ଦୋକାନରୁ ଘରେ ଚଳେ, ମୋ ପୁଅ ଆଇଏଏସ ପାଇଛି

ନୂଆ ମ୍ୟାପ ଜାରି କଲା ପାକିସ୍ତାନ, କଶ୍ମୀର ସହ ଗୁଜରାଟ ଓ ଲଦାଖର କିଛି ଅଂଶକୁ ନିଜର ଦର୍ଶାଇଲା

୭ ଜିଲ୍ଲାରେ ପ୍ରବଳ ବର୍ଷିବ, ଜିଲ୍ଲାପାଳଙ୍କ ସତର୍କ କଲେ ଏସ୍‌ଆର୍‌ସି

ଅନ୍ତର୍ଜାତୀୟ ମାର୍କେଟରେ ରାଫେଲର ଚାହିଦା କାହିଁକି କମ?

ଭୁବନେଶ୍ୱରରୁ ୧୪୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୫୧ ଲୋକାଲ୍‌ କେସ୍‌

ସିବିଆଇ ତଦନ୍ତ ସୁପାରିସ ପରେ କଥା ବଦଳାଇଲେ ରିୟା

କରୋନା ଟିକାର ପରୀକ୍ଷା ଶେଷ, ଅକ୍ଟୋବରରୁ ଉତ୍ପାଦନ!