ନୂଆଦିଲ୍ଲୀ: ଦେଶରେ ଦରଦାମ ବୃଦ୍ଧି ଖାସ କରି ଡାଲି ଦର ନିୟନ୍ତ୍ରଣ କରିବାରେ ଏନଡିଏ ସରକାର ବିଫଳ ହୋଇଥିବା କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି । କଂଗ୍ରେସ ନେତା ଦିଗବିଜୟ ସିଂ ଟ୍ୱିଟ୍ କରି ଡାଲି ଦର ବୃଦ୍ଧିକୁ ନେଇ ପ୍ରଧାନମନ୍ତ୍ରୀ ମୋଦିଙ୍କୁ ସମାଲୋଚନା କରିବା ସହ ବର୍ତ୍ତମାନ ଦେଶରେ ଏହାର ଦର ୨୦୦ ଟଙ୍କା ଛୁଇଁବାକୁ ବସିଲାଣି ବୋଲି କହିଛନ୍ତି ।
ଦିଗବିଜୟ ବ୍ୟଙ୍ଗ କରି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ଯେଉଁ କାମ କଂଗ୍ରେସ ୬୦ ବର୍ଷରେ କରିପାରିନାହିଁ ମୁଁ ଏକବର୍ଷରେ କରି ଦେଖାଇ ଦେବି । ଦରଦାମକୁ ଦେଖିଲେ ଜଣାପଡୁଛି ନିଜେ ଖାଇବି ନାହିଁ କି କାହାକୁ ଖାଇବାକୁ ଦେବି ନାହିଁ ନୀତିରେ ଚାଲିଛନ୍ତି ବୋଲି ଦିଗବିଜୟ କହିଛନ୍ତି ।
ସୂଚନାଯୋଗ୍ୟ, ଡାଲି ଦର ବୃଦ୍ଧି ନେଇ ଏନଡିଏ ସରକାର ଚାପରେ ଅଛନ୍ତି । ସରକାର ଦର ନିୟନ୍ତ୍ରଣ କରିବାକୁ ଡାଲି ଆୟୋଗ କରିବାକୁ ନିଷ୍ପତି ନେଇଛନ୍ତି । ତେବେ ସରକାର ଠିକ୍ ସମୟରେ କୌଣସି ପଦକ୍ଷେପ ନେଉଥିବା କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
