'ଭାରତରେ ମଧ୍ୟ ଜଣେ ବାଇଡେନ୍ ଆବଶ୍ୟକ'

ନୂଆଦିଲ୍ଲୀ: ଆମେରିକା ରାଷ୍ଚ୍ରପତି ନିର୍ବାଚନକୁ ନେଇ ସାରା ବିଶ୍ୱ ଉତ୍ସାହିତ ଥିବା ବେଳେ ଭାରତରେ ମଧ୍ୟ ଚର୍ଚ୍ଚା ଆଲୋଚନା ଦେଖିବାକୁ ମିଳିଛି। ତେବେ ସବୁ ଅପେକ୍ଷାର ଅନ୍ତ ଘଟାଇ ଶେଷରେ ବିପୁଳ ଜନ ସମର୍ଥନରେ ଜୋଏ ବାଇଡେନ ଆମେରିକା ରାଷ୍ଟ୍ରପତି ନିର୍ବାଚନର ବିଜୟ ମୁକୁଟ ପିନ୍ଧିଛନ୍ତି। ଏହା ପରେ ଭାରତରେ ଚର୍ଚ୍ଚା ଜୋର୍ ଧରିଛି। ସୋଶାଲ ମିଡିଆରେ ଖୁବ୍ ପ୍ରତିକ୍ରିୟା ଆସୁଥିବା ବେଳେ ରାଜନେତାଙ୍କ ବୟାନବାଜୀ ଏହାକୁ ଆହୁରି ତୀବ୍ର କରୁଛି।

ବାଇଡେନଙ୍କ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ କଂଗ୍ରେସର ବହୁ ବରିଷ୍ଠ ନେତା ତାଙ୍କୁ ଶୁଭେଚ୍ଛା ଜଣାଇଛନ୍ତି। ତେବେ କଂଗ୍ରେସର ବରିଷ୍ଠ ନେତା ତଥା ମଧ୍ୟ ପ୍ରଦେଶର ପୂର୍ବ ମୁଖ୍ୟମନ୍ତ୍ରୀ ଦିଗବିଜୟ ସିଂହ ବାଇଡେନଙ୍କୁ ଅଭିନନ୍ଦନ ଜଣାଇବା ସହ ଏକ ବୟାନ ଦେଇ ଚର୍ଚ୍ଚାକୁ ଆସିଛନ୍ତି।

Now we need a Joe Biden in India too!! Let’s hope we get one in 2024. It should be the effort of every Indian irrespective of party affiliation. The Divisive Forces in India have to be defeated. We are Indians First!!
2/2
#IndiaFirst#UnityInDiversity

— digvijaya singh (@digvijaya_28) November 8, 2020

ଦିଗବିଜୟ ଏକ ଟ୍ୱିଟ୍ କରି ସମସ୍ତ ଆମେରିକା ଭୋଟରଙ୍କୁ ଜୋଏ ବାଇଡେନଙ୍କୁ ଭୋଟ ଦେଇଥିବାରୁ ଶୁଭକାମନା ଜଣାଇଛନ୍ତି। ସେ କହିଛନ୍ତି, ବାଇଡେନ ଆମେରିକାକୁ ଏକଜୁଟ କରିବେ ଏବଂ ପୂର୍ବ ସରକାର ଭଳି ବିଭାଜିତ କରିବେ ନାହିଁ ବୋଲି ଦିଗବିଜୟ କହିଛନ୍ତି।

Congratulations to all US voters to have chosen Joe Biden who shall unite every American and not divide them unlike his predecessor!
1/2#IndiaFirst#UnityInDiversityhttps://t.co/t02OzRuXmi

— digvijaya singh (@digvijaya_28) November 8, 2020

ସେ ପୁଣି ଲେଖିଛନ୍ତି, "ଭାରତକୁ ମଧ୍ୟ ଜଣେ ଜୋଏ ବାଇଡେନ ଆବଶ୍ୟକ। 2024ରେ ଆମକୁ ଏଭଳି ଜଣେ ନେତା ମିଳିଯିବ ବୋଲି ଆଶା ରହିଛି। ଦଳ ନିର୍ବିଶେଷରେ ଏହା ସମସ୍ତ ଭାରତୀୟଙ୍କ ପ୍ରୟାସ ହେବା ଆବଶ୍ୟକ। ଭାରତକୁ ବିଭାଜିତ କରୁଥିବା ଶକ୍ତିମାନଙ୍କୁ ହରାଇବାକୁ ହେବ। ଆମେ ପ୍ରଥମେ ଭାରତୀୟ।"