ଚାଷୀ ଆନ୍ଦୋଳନ ନେଇ ବିରୋଧୀଙ୍କ ଦୋମୁହାଁ ନୀତିକୁ ପଦାରେ ପକାଇଲା ବିଜେପି!

ନୂଆଦିଲ୍ଲୀ: କେନ୍ଦ୍ରର ତିନି କୃଷି ଆଇନକୁ ବିରୋଧ କରି ଆଜି ଚାଷୀ ସଂଗଠନ ଭାରତ ବନ୍ଦ ପାଳନ କରୁଛନ୍ତି। ଏହି ବନ୍ଦକୁ ୧୮ଟି ରାଜନୀତିକ ଦଳ ସମର୍ଥନ କରୁଛନ୍ତି। ସେପ୍ଟେମ୍ବରରେ କେନ୍ଦ୍ର ସରକାର ତିନି କୃଷି ବିଲକୁ ଆଇନରେ ପରିଣତ କରିଥିଲେ। ଏହି ତିନି ବିଲ୍ ହେଲା କୃଷକ ଉତ୍ପାଦନ ବାଣିଜ୍ୟ ଏବଂ ସୁବିଧା, କୃଷକ ସଶକ୍ତିକରଣ ଏବଂ ସୁରକ୍ଷା ଚୁକ୍ତିନାମା, ଏବଂ ଅତ୍ୟାବଶ୍ୟକ ସାମଗ୍ରୀ ସଂଶୋଧନ।

ପ୍ରଥମେ ଏମଏସପିକୁ ନେଇ ସରକାରକୁ ଘେରିଥିଲେ ଚାଷୀ ସମେତ ବିରୋଧୀ। କାଳକ୍ରମେ ସରକାର ମଧ୍ୟ ଚାଷୀଙ୍କ ସହ ଆଲୋଚନା ପରେ ସଂଶୋଧନ ପାଇଁ ରାଜି ହୋଇଥିଲେ। ଏବେ କିନ୍ତୁ ଚାଷୀ ସଂଗଠନ ତିନି କୃଷି ବିଲକୁ ପ୍ରତ୍ୟାହାର ପାଇଁ ଦାବି କରିଛନ୍ତି। ଚାଷୀଙ୍କ ଦାବିକୁ ସଞ୍ଜବନୀ ଯୋଗାଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଶରଦ ପାଓ୍ୱାର, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ସମେତ କଂଗ୍ରେସ ଦଳ। ଯାହାର ଦୋମୁହାଁ ନୀତିକୁ ପଦାରେ ପକାଇଛନ୍ତି ବିଜେପି ନେତା ତଥା କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ।

କଂଗ୍ରେସ ଦୋମୁହାଁ ରାଜନୀତି କରୁଛି: ବିଜେପି

ଚୁକ୍ତି ଭିତ୍ତିକ ଚାଷ ଓ ମଣ୍ଡି ବ୍ୟବସ୍ଥାରେ ସଂଶୋଧନ ୨୦୧୯ରେ କଂଗ୍ରେସର ନିର୍ବାଚନୀ ଇସ୍ତାହାରରେ ଥିଲା। ହେଲେ ନିର୍ବାଚନରେ ବାରମ୍ବାର ପରାଜୟ, ଅସ୍ତିତ୍ୱ ବଜାୟ ରଖିବାର ଉଦ୍ୟମ ପାଇଁ ଦଳ ଏବେ ଚାଷୀ ଆନ୍ଦୋଳନକୁ ଓହ୍ଲାଇଥିବା କହିଛନ୍ତି ରବି ଶଙ୍କର ପ୍ରସାଦ।

https://twitter.com/BJP4India/status/1335864393024716800?s=20

https://twitter.com/BJP4India/status/1335867952529195009?s=20

ଆହୁରି ପଢ଼ନ୍ତୁ: ମୋଦି ସରକାରଙ୍କ କୃଷି ଆଇନରେ କଣ ରହିଛି, ଯାହାକୁ ଚାଷୀ ବିରୋଧ କରୁଛନ୍ତି

କେଜ୍ରିଓ୍ୱାଲଙ୍କ ୟୁଟର୍ଣ୍ଣ

କେନ୍ଦ୍ର ସରକାର ଆଣିଥିବା ତିନୋଟି କୃଷି ଆଇନକୁ ବିରୋଧ କରି ଚାଷୀ ମାନେ ଧାରଣାରେ ବସିଛନ୍ତି। ଏହାରି ଭିତରେ ଗୋଟିଏ ଆଇନକୁ ଦିଲ୍ଲୀ ସରକାର ଲାଗୁ କରିବା ପାଇଁ ବିଜ୍ଞପ୍ତି ପ୍ରକାଶ କରିଛନ୍ତି। ଆଉ ଦୁଇଟି ଆଇନ ବାବଦରେ ବିଚାର ବିମର୍ଶ କରୁଛନ୍ତି ଦିଲ୍ଲୀର କେଜ୍ରିଓ୍ୱାଲ ସରକାର। ଦିଲ୍ଲୀ ସରକାର କୃଷକ ଉତ୍ପାଦନ ବାଣିଜ୍ୟ ଏବଂ  ସୁବିଧାକୁ ଲାଗୁ କରିଥିବା ବେଳେ କୃଷକ ସଶକ୍ତିକରଣ ଏବଂ ସୁରକ୍ଷା ଚୁକ୍ତିନାମା, ଏବଂ ଅତ୍ୟାବଶ୍ୟକ ସାମଗ୍ରୀ ସଂଶୋଧନ ବାବଦରେ ବିଚାର ବିମର୍ଶ କରୁଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ହେଲେ ସେ ଏବଂ ତାଙ୍କ ଅନ୍ୟ କ୍ୟାବିନେଟ୍‌ ମନ୍ତ୍ରୀମାନେ ଚାଷୀଙ୍କ ଆନ୍ଦୋଳନରେ ସାମିଲ ହୋଇ ଏହାକୁ ସମର୍ଥନ କରିଛନ୍ତି। ଏଥିସହ ସେ ଜଣେ ମୁଖ୍ୟମନ୍ତ୍ରୀ ନୁହନ୍ତି ବରଂ ଜଣେ ସେବାଦର ଭାବେ ଚାଷୀଙ୍କ ସହ ସାମିଲ ହେବାକୁ ଆସିଥିବା କେଜ୍ରିୱାଲ କହିଛନ୍ତି।

ଶରଦ ପାଓ୍ୱାର ନିଜେ ଘରୋଇ କରଣ ପାଇଁ କହିଥିଲେ

ପୂର୍ବତନ କୃଷି ମନ୍ତ୍ରୀ ତଥା ଏନସିପି ସୁପ୍ରିମୋ ଶରଦ ପାୱାର ମଧ୍ୟ କୃଷକ ଆନ୍ଦୋଳନକୁ ସମର୍ଥନ କରିଛନ୍ତି। ଆଜିର ଭାରତ ବନ୍ଦକୁ ତାଙ୍କ ଦଳ ସମର୍ଥନ କରିଛି। ତେବେ ଶରଦ ପାୱାର ୟୁପିଏ ସରକାରରେ କୃଷି ମନ୍ତ୍ରୀ ଥିଲେ। ସେ ନିଜେ କୃଷି ଆଇନରେ ଏକ ବଡ ପରିବର୍ତ୍ତନ ଦାବି କରିଥିଲେ।

ଏଥିପାଇଁ ପାୱାର ୨୦୦୫, ୨୦୦୭, ୨୦୧୦ ଏବଂ ୨୦୧୧ ମସିହାରେ ରାଜ୍ୟ ସରକାରଙ୍କୁ ଚିଠି ଲେଖିଥିଲେ। ଶରଦ ପାୱାର ନିଜେ ୨୦୧୦ ମସିହାରେ ଏପିଏମସି ଆକ୍ଟରେ ପରିବର୍ତ୍ତନ ଆଣିବାକୁ ପ୍ରୋତ୍ସାହିତ କରିଥିଲେ। ୧୧ ଅଗଷ୍ଟ ୨୦୧୦ରେ, ପାୱାର ଦିଲ୍ଲୀର ତତ୍କାଳୀନ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତଙ୍କୁ ଚିଠି ଲେଖିଥିଲେ। ଏହି ଚିଠିରେ ଶରଦ ପାୱାର କହିଛନ୍ତି ଯେ କୃଷି କ୍ଷେତ୍ରରେ ଘରୋଇ କ୍ଷେତ୍ରର ଅଂଶଗ୍ରହଣ ଆବଶ୍ୟକ।

https://twitter.com/BJP4India/status/1335866356604891136?s=20

ଶାରଦ ପାୱାର ଶୀଲା ଦୀକ୍ଷିତଙ୍କୁ ଲେଖିଥିବା ଚିଠି ମଧ୍ୟ ଭାଇରାଲ ହେବାରେ ଲାଗିଛି ଯେଉଁଥିରେ ସେ ଶୀଲା ଦୀକ୍ଷିତଙ୍କୁ ୨୫ ମେ ୨୦୦୫ ଏବଂ ୧୨ ମଇ ୨୦୦୭ର ପୂର୍ବ ଚିଠିକୁ ମନେପକାଇ ଦେଇଛନ୍ତି। ନଭେମ୍ବର ୨୦୧୧ରେ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ଶରଦ ପାୱାର ଏକ ସମାନ ଚିଠି ଲେଖିଥିଲେ ଯେଉଁଥିରେ ସରକାରୀ ମଣ୍ଡି ବ୍ୟତୀତ ଏକ ଘରୋଇ ପ୍ରତିଯୋଗିତାମୂଳକ ବଜାରର ଆବଶ୍ୟକତା ରହିଛି ବୋଲି କୁହାଯାଇଛି। କିନ୍ତୁ ବର୍ତ୍ତମାନ ଶରଦ ପାୱାର ୟୁ ଟର୍ଣ୍ଣ ନେଇଛନ୍ତି। ସେମାନେ କେନ୍ଦ୍ର ସରକାରଙ୍କୁ କୃଷକଙ୍କ ଦାବିକୁ ଗମ୍ଭୀରତାର ସହ ନେବାକୁ କହୁଛନ୍ତି ଏବଂ ଡିସେମ୍ବର ୯ରେ ରାଷ୍ଟ୍ରପତି ରାମ ନାଥ କୋବିନ୍ଦଙ୍କୁ ଭେଟିବାକୁ ଯାଉଛନ୍ତି।

ଅନ୍ୟାନ୍ୟ ବିରୋଧୀ ଦଳର ଦୋମୁହାଁ ନୀତି

ସେହିଭଳି ଏବେ ମୋଦି ସରକାର ଆଣିଥିବା କୃଷି ଆଇନ ସପକ୍ଷରେ ପୂର୍ବରୁ ଶରଦ ପାଓ୍ୱାର, ଅଖିଳେଶ ଯାଦବଙ୍କ ପିତା ମୁଲାୟମ୍ ସିଂ ଯାଦବ ଓ ଯୋଗେନ୍ଦ୍ର ଯାଦବ କିଭଳି ଓକିଲାତି କରିଥିଲେ ତାର ତଥ୍ୟ ବି ରଖିଛନ୍ତି ରବିଶଙ୍କର ପ୍ରସାଦ। ପୂର୍ବରୁ ଦେଶର ବିଭିନ୍ନ ରାଜ୍ୟରେ କଂଗ୍ରେସ ଓ ଅଣବିଜେପି ସରକାର କିଭଳି କଣ୍ଟ୍ରା ଫାର୍ମିଂ ପ୍ରଚଳନ କରି ସାରିଛନ୍ତି ତାର ବି ହିସାବ ଦେଇଛନ୍ତି ରବିଶଙ୍କର। ତା ସହ ଚାଷୀଙ୍କ ମନରୁ ଦ୍ୱନ୍ଦ୍ୱ ଦୂର କରି ନୂଆ କୃଷି ଆଇନରେ ଜମି ବିକ୍ରି, ନିଲାମ ଓ ବନ୍ଧକ ହେବନି ଏବଂ MSP ଓ ମଣ୍ଡି ବ୍ୟବସ୍ଥା ଉଚ୍ଛେଦ ହେବନି ବୋଲି କହିଛନ୍ତି କେନ୍ଦ୍ର ଆଇନ ମନ୍ତ୍ରୀ।

ମହାରାଷ୍ଟ୍ରର ସ୍ଥିତି

ମହାରାଷ୍ଟ୍ରରେ ପାଣି ଅଭାବ ଏବଂ ଅନ୍ୟାନ୍ୟ କାରଣ ପାଇଁ ଅଧିକାଂଶ ଚାଷୀ ପ୍ରଭାବିତ ହୋଇଥାନ୍ତା। ଶରଦ ପାଓ୍ୱାରଙ୍କ ଘର ହେଉଛି ମହାରାଷ୍ଟ୍ର। ଏନସିପି ଏବଂ ଏହାର ସହଯୋଗୀ କଂଗ୍ରେସ ଏଠାରେ ଅଧିକ ଦିନ ଶାସନରେ ଅଛନ୍ତି। ୧୯୯୯ ରୁ ୨୦୧୪ ପର୍ଯ୍ୟନ୍ତ କ୍ରମାଗତ ପନ୍ଦର ବର୍ଷ ପାଇଁ କଂଗ୍ରେସ-ଏନସିପି ମହାରାଷ୍ଟ୍ରକୁ ଶାସନ କରିଥିଲା।

ଏକ ରିପୋର୍ଟ ଅନୁଯାୟୀ, ଦେଶର ସର୍ବାଧିକ ସଂଖ୍ୟକ କୃଷକ ମହାରାଷ୍ଟ୍ରରେ ଆତ୍ମହତ୍ୟା କରୁଛନ୍ତି। ଏଥିରେ, ପ୍ରଥମ ଚାରି ବର୍ଷ ଅର୍ଥାତ୍ ୧୯୯୯ ରୁ ୨୦୦୩ ମଧ୍ୟରେ ୧୬ ହଜାରରୁ ଅଧିକ କୃଷକ ଆତ୍ମହତ୍ୟା କରିଥିଲେ। ପରବର୍ତ୍ତୀ ୯ ବର୍ଷରେ ତିରିଶ ପାଞ୍ଚ ହଜାରରୁ ଅଧିକ ତିନି ହଜାର କୃଷକ ଆତ୍ମହତ୍ୟା କରିଥିଲେ।