ଆଫଗାନିସ୍ତାନ ସହିତ ଭାରତର ଦୋସ୍ତି ବହୁତ ପୁରୁଣା: ବୈଦେଶିକ ମନ୍ତ୍ରୀ

ନୂଆଦିଲ୍ଲୀ: ଶନିବାର ଦୋହାରେ ଆୟୋଜିତ ହୋଇଥିଲା ଆଫଗାନିସ୍ତାନ ଶାନ୍ତି ବୁଝମଣା କାର୍ଯ୍ୟକ୍ରମ। ଏହି ବୈଠକରେ ଭାରତ ଅଂଶଗ୍ରହଣ କରିଥିଲା। କରୋନା ମହାମାରୀ ପାଇଁ ଆୟୋଜିତ ହୋଇଥିବା ଏହି ଭର୍ଚୁଆଲ୍ ବୈଠକରେ ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଯୋଗ ଦେଇଥିଲେ। ତାଙ୍କ ସହିତ ବରିଷ୍ଠ ଅଧିକାରୀ ମଧ୍ୟ ଯୋଗ ଦେଇଥିଲେ।

"ଭାରତର ଆଶା ଯେ ଆଫଗାନିସ୍ତାନର ମାଟି କୌଣସି ଭାରତ ବିରୋଧୀ କାର୍ଯ୍ୟକଳାପକୁ ବଢ଼ିବାକୁ ସୁଯୋଗ ଦେବନି। ଭାରତ ସହିତ ଆଫଗାନିସ୍ତାନର ବନ୍ଧୁତା ବହୁତ ପୁରୁଣା। ଇତିହାସ ଏହାର ମୂକ ସାକ୍ଷୀ। ଆଫଗାନିସ୍ତାନର ୪୦୦ରୁ ଅଧିକ ବିକାଶ ପ୍ରକଳ୍ପରେ ଭାରତ ଭାଗ ନେଇଛି। ଆଫଗାନିସ୍ତାନର ଏମିତି କୌଣସି ଜାଗା ନଥିବ ଯେଉଁଠି ଭାରତ ପାଦ ରଖିନଥିବ" ବୋଲି ଜୟଶଙ୍କର କହିଛନ୍ତି।

ସେ ଆହୁରି ଟ୍ୱିଟ୍ କରି କହିଛନ୍ତି, ଆଫଗାନିସ୍ତାନ ସାର୍ବଭୈମତ୍ୱ ତଥା ଆଞ୍ଚଳିକ ଅଖଣ୍ଡତାକୁ ସମ୍ମାନ ଦେବା ଦରକାର। ମାନବିକ ଅଧିକାର ଏବଂ ଗଣତନ୍ତ୍ରକୁ ପ୍ରୋତ୍ସାହିତ କରିବା ଆବଶ୍ୟକ ରହିଛି। ସଂଖ୍ୟାଲଘୁ, ମହିଳା ଏବଂ ଦୁର୍ବଳ ଲୋକଙ୍କୁ ପ୍ରଭାବଶାଳୀ ଭାବରେ ଅଗ୍ରଗତି କରିବା ଉଚିତ ବୋଲି ସେ ଟ୍ୱିଟ କରିଛନ୍ତି। ସମଗ୍ର ଦେଶରେ ହିଂସା ମୁକ୍ତ ରହିବା ଦରକାର ବୋଲି କହିଛନ୍ତି ଜୟଶଙ୍କର।

ଅନ୍ୟପକ୍ଷରେ କିନ୍ତୁ ତାଲିବାନ ନେତା ଆଫଗାନିସ୍ତାନକୁ ଏକ "ଇସଲାମିକ ରାଷ୍ଟ୍ର" ଗ୍ରହଣ କରିବାକୁ ଦାବି କରୁଛନ୍ତି। ତାଲିବାନର ସହ-ପ୍ରତିଷ୍ଠାତା ମଲ୍ଲିକା ଅବଦୁଲ ଘାନି ବାରଦର କହିଛନ୍ତି ଯେ ସେ ଆଫଗାନିସ୍ତାନ ଇସଲାମ ଧର୍ମକୁ ଗ୍ରହଣ କରିବା ଦରକାର। ବ୍ୟକ୍ତିଗତ ସ୍ୱା୍ର୍ଥ ପାଇଁ ଇସଲାମ ଧର୍ମକୁ ବଳିଦାନ ଦେବା ଉଚିତ ନୁହେଁ ବୋଲି କହିଛନ୍ତି। ଏହି ବୈଠକରେ ଆମେରିକାର ବୈଦେଶିକ ମନ୍ତ୍ରୀ ମାଇକ ପୋମ୍ପିଓ ମଧ୍ୟ ଉପସ୍ଥିତ ଥିଲେ।

ଦୋହାସ୍ଥିତ ବୈଦେଶିକ ବ୍ୟାପାର ମନ୍ତ୍ରାଳୟର ଯୁଗ୍ମ ସଚିବ (ପାକିସ୍ଥାନ-ଆଫଗାନିସ୍ତାନ-ଇରାନ) ଜେପି ସିଂ ଏହି ଉତ୍ସବରେ ଉପସ୍ଥିତ ଥିଲେ। ତିନି ଦେଶ - ପାକିସ୍ଥାନ, ଆଫଗାନିସ୍ତାନ ଏବଂ ଇରାନ ସହ ଭାରତର ସମ୍ପର୍କ ଉପରେ ସେ ସରକାରଙ୍କ ମୁଖ୍ୟ ଅଧିକାରୀ।

29 ଫେବୃଆରୀରେ ଭାରତ ଆମେରିକା-ତାଲିବାନ ଚୁକ୍ତିନାମା ସ୍ୱାକ୍ଷର କରିଛି। ଏହି ସପ୍ତାହ ପୂର୍ବରୁ ଜୟଶଙ୍କର ଇରାନ ଗସ୍ତ କରି ଆଫଗାନିସ୍ତାନର ପରିସ୍ଥିତି ଉପରେ ଆଲୋକପାତ କରିଥିଲେ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଇରାନରେ ତାଙ୍କ ପ୍ରତିପକ୍ଷଙ୍କୁ ଭେଟିବାର ଦୁଇ ଦିନ ପରେ ମଙ୍ଗଳବାର ବୈଦେଶିକ ମନ୍ତ୍ରୀ ତେହେରାନକୁ ଯାଇ ଇରାନର ବୈଦେଶିକ ମନ୍ତ୍ରୀ ଜାୱଦ ଜରିଫଙ୍କୁ ଭେଟି ଚାବାହାର ବନ୍ଦର ପ୍ରକଳ୍ପ ଏବଂ ଆଫଗାନିସ୍ତାନର ପରିସ୍ଥିତି ଉପରେ ଆଲୋଚନା କରିଛନ୍ତି।