୩ କର୍ମଚାରୀଙ୍କୁ ୩ କୋଟିର ମର୍ସଡିଜ୍ ଦେଲେ ବ୍ୟବସାୟୀ

ସୁରତ (ଓଡ଼ିଶା ରିପୋର୍ଟର): ପୂର୍ବରୁ ୧୨୦୦ ଜଣ କର୍ମଚାରୀଙ୍କୁ ଡାଟସନ୍‌ କାର୍ ଦେଇ ଚର୍ଚ୍ଚାକୁ ଆସିଥିବା ସୁରତର ହୀରା ବ୍ୟବସାୟୀ ସାବ୍‌ଜି ଢୋଲ୍‌କିଆ ଏବେ କମ୍ପାନୀରେ ୨୫ ବର୍ଷ ପୂରଣ କରିଥିବା ୩ ଜଣ କର୍ମଚାରୀଙ୍କୁ ମର୍ସଡିଜ୍ ବେଞ୍ଜ ଜିଏଲ୍ଏସ୍ ଏସ୍‌ୟୁଭି ଉପହାର ଦେଇଛନ୍ତି।

ହରେ କ୍ରିଷ୍ଣା ଏକ୍ସପୋର୍ଟର ମାଲିକ ଢୋଲ୍‌କିଆ ଏଥ‍ପାଇଁ ଜଣ ପିଛା ୧ କୋଟି ଲେଖାଏ ଅର୍ଥାତ ୩ କୋଟି ଟଙ୍କା ଖର୍ଚ୍ଚ କରିଛନ୍ତି। ସୁରତରେ କମ୍ପାନୀର ଏକ ବିଶେଷ ଉତ୍ସବ ଅବସରରେ ସେ ଏହି ଉପହାର ଦେବା ଘଟଣା ବର୍ତ୍ତମାନ ସମଗ୍ର ଦେଶରେ ଆଲୋଚନାର ଵିଷୟ ହୋଇଛି।

ଏହି ଉତ୍ସବରେ ପୂର୍ବତନ ଗୁଜରାଟ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ମଧ୍ୟପ୍ରଦେଶ ରାଜ୍ୟପାଳ ଆନନ୍ଦୀବେନ୍ ପଟେଲ ମଧ୍ୟ ଉପସ୍ଥିତ ଥିଲେ। ହୀରା ବ୍ୟବସାୟରେ ପ୍ରସିଦ୍ଧି ଲାଭ କରିଥିବା ଏହି କମ୍ପାନୀର ୫,୫୦୦ କର୍ମଚାରୀ ଅଛନ୍ତି ଏବଂ ଏହାର ବାର୍ଷିକ ହୀରା ବ୍ୟବସାୟ ୬ ହଜାର କୋଟି ଟଙ୍କାର ବୋଲି ଜଣାପଡ଼ିଛି।

ଏହି ୩ ଜଣ କର୍ମଚାରୀ ୧୩ରୁ ୧୫ ବର୍ଷ ବୟସରେ ଏହି କମ୍ପାନୀରେ ଯୋଗ ଦେଇଥିଲେ। ପରେ ସେମାନେ ହୀରା କାଟିବା, ପଲିଶ୍ କରିବା ଶିଖିବା ସହିତ ବର୍ତ୍ତମାନ କେବଳ କୁଶଳୀ କର୍ମଚାରୀ ନୁହନ୍ତି, ବରଂ କମ୍ପାନୀର ସବୁଠାରୁ ଅଧିକ ବିଶ୍ୱସ୍ତ ବୋଲି ଢୋଲ୍‌କିଆ ଜଣାଇଛନ୍ତି।

ଆହୁରି ପଢ଼ନ୍ତୁ

ସୁଶାନ୍ତଙ୍କ ମୃତ୍ୟୁ ମାମଲା: ଆଉ କିଛି ଲୋକଙ୍କ ବୟାନ ରେକର୍ଡ କଲା ସିବିଆଇ

ସୋନୁଙ୍କ ପାଇଁ ନୂଆ ଜୀବନ ପାଇବେ ୩୯ ଶିଶୁ

୬ ବର୍ଷର ଶିଶୁକନ୍ୟାକୁ ଅପହରଣ ପରେ ଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତ ଗିରଫ

ଚୋରାଉଥିଲେ ସାନିଟାଇଜର, କ୍ୟାମେରା ଦେଖି କଲେ ଏମିତି କାମ

ଆମିରଙ୍କ ଫିଲ୍ମରେ କରିନା

ଧୋନିଙ୍କ ଭଳି ହେଲିକପ୍ଟର ଶଟ୍ ମାରି ଚର୍ଚ୍ଚାରେ ୭ ବର୍ଷର ପରୀ

କୋର୍ଟ ଅବମାନନା ମାମଲାରେ ପ୍ରଶାନ୍ତ ଭୂଷଣ ଦୋଷୀ ସାବ୍ୟସ୍ତ, ସିଜେଆଇଙ୍କୁ କରିଥିଲେ ଅପମାନିତ

ସ୍ୱାଧୀନତା ଦିବସ ପୂର୍ବରୁ ଆତଙ୍କୀ ହମଲା: ୨ ପୁଲିସ ସହିଦ

୨୪ ଲକ୍ଷ ଡେଇଁଲା ଆକ୍ରାନ୍ତଙ୍କ ସଂଖ୍ୟା: ଦିନକରେ ୬୪,୫୫୩ ପଜିଟିଭ, ୧୦୦୭ ମୃତ

ଆଠ ବର୍ଷ ବୟସରେ ଲେଖିଲେ ୫୭ ପୃଷ୍ଠାର ରାମାୟଣ

ଚାଇନାର ଦାବି, କୁକୁଡାରେ ରହିଛି କରୋନା ଭାଇରସ!

ମହଙ୍ଗା ହେଉଛି ଖାଦ୍ୟ ସାମଗ୍ରୀର ଦାମ, ମୁଦ୍ରାସ୍ଫୀତି ହାର ୬.୯୩ ପ୍ରତିଶତ ବୃଦ୍ଧି