ଭୟଙ୍କର ହିମ ସ୍ଖଳନ, ଚାଲିଗଲା ୩ ଯବାନଙ୍କ ଜୀବନ

ଶ୍ରୀନଗର: ଉତ୍ତର କଶ୍ମୀରର କୁପୱାଡ଼ା ଜିଲ୍ଲା ମାଚ୍ଛିଲ ସେକ୍ଟରରେ ଭୟଙ୍କର ହିମ ସ୍ଖଳନ ଘଟିଛି। ଏହି ସେକ୍ଟରର ସମ୍ମୁଖ ପୋଷ୍ଟରେ ଆର୍ମି ଯବାନମାନେ ମୁତୟନ ଥିବା ବେଳେ ହିମ ସ୍ଖଳନ ହୋଇଛି। ଫଳରେ ବରଫ ଅତଡ଼ା ତଳେ ଫସି ୩ ଜଣ ଯବାନ ସହିଦ ହୋଇଛନ୍ତି।

ସେମାନଙ୍କ ମରଶରୀରକୁ ବରଫ ଅତଡ଼ା ଭିତରୁ ବାହାର କରି ସେନା ବେସ୍‌ କ୍ୟାମ୍ପକୁ ଅଣା ଯାଇଛି। ପୁଲିସ୍‌ କହିଛି ଯେ ଏକ ଦୁଭାର୍ଗ୍ୟଜନକ ଘଟଣାକ୍ରମେ ୫୬ ରାଷ୍ଟ୍ରୀୟ ରାଇଫଲର ୩ ଜଣ ଜଣ ଯବାନ ମାଚ୍ଛିଲ ସେକ୍ଟରରେ ଡ୍ୟୁଟି କରୁଥିବା ବେଳେ ହିମ ସ୍ଖଳନ ଯୋଗୁ ବୀରଗତି ପ୍ରାପ୍ତ କରିଛନ୍ତି। ଦେଶର ସେବା କରିବା ବେଳେ ସେମାନେ ସହିଦ ହୋଇଛନ୍ତି। ସେମାନଙ୍କୁ ପୁଲିସ ପକ୍ଷରୁ ଶ୍ରଦ୍ଧାଞ୍ଜଳି ଦିଆଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।