ନୂଆଦିଲ୍ଲୀ: ଯୁଦ୍ଧତ୍ରସ୍ତ ୟୁକ୍ରେନର ସୁମୀରେ ଫସିଥିବା ଭାରତୀୟମାନେ ସୁରକ୍ଷିତ ଉଦ୍ଧାର ହୋଇଛନ୍ତି। ରୁଷ ଆଜି ସୁମୀରେ ଯୁଦ୍ଧ ବିରତି ଲାଗୁ କରିବାପରେ ସେଠାରେ ଫସିଥିବା ଅନ୍ୟ ଲୋକମାନଙ୍କ ସହ ଭାରତୀୟମାନେ ମଧ୍ୟ ସୁରକ୍ଷିତ ସ୍ଥାନକୁ ଯିବା ଆରମ୍ଭ କରିଥିଲେ।
ଇତି ମଧ୍ୟରେ ସୁମୀରେ ଥିବା ସମସ୍ତ ୬୯୪ ଜଣ ଭାରତୀୟ ପୋଲଟାଭା ଅଭିମୁଖେ ବସ୍ ଯୋଗେ ବେଶ ସୁରକ୍ଷିତ ଭାବେ ଯାତ୍ରା ଆରମ୍ଭ କରିଛନ୍ତି। ସେମାନେ ପୋଲଟାଭାରୁ ଟ୍ରେନ ଯୋଗେ ପଶ୍ଚିମ ୟୁକ୍ରେନକୁ ଆସିବେ। ସେଠାରୁ ସ୍ୱତନ୍ତ୍ର ବିମାନ ଯୋଗେ ସମସ୍ତଙ୍କୁ ଭାରତ ଅଣାଯିବ ବୋଲି କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ସୂଚନା ଦେଇଛନ୍ତି।
ସେ କହିଛନ୍ତି, “ଗତ ରାତିରେ ମୁଁ କଣ୍ଟ୍ରୋଲ ରୁମ ସହ ଯୋଗାଯୋଗ କରିଥିଲି। ଏହି ସମୟରେ ୬୯୪ ଜଣ ଭାରତୀୟ ଶିକ୍ଷାର୍ଥୀ ସୁମୀରେ ରହିଥିବା ଜଣାପଡ଼ିଥିଲା। କିନ୍ତୁ ଆଜି ସମସ୍ତେ ବସ ଯୋଗେ ପୋଲଟାଭା ଅଭିମୁଖେ ଯାତ୍ରା ଆରମ୍ଭ କରିଛନ୍ତି।”
ସୁମୀ ବିଶ୍ୱବିଦ୍ୟାଳୟର ଜଣେ ମେଡିକାଲ ଛାତ୍ର ନିଜ ନାଁ ଗୋପନ ରଖି ବସ୍ ଯୋଗେ ସେମାନେ ପୋଲଟାଭା ଅଭିମୁଖେ ଯାତ୍ରା କରୁଥିବା ନିଶ୍ଚିତ କରିଛନ୍ତି। ସେ କହିଛନ୍ତି, “ଆଜି ବସ୍ ଯୋଗେ ଆମେ ପୋଲଟାଭା ଯାଉଥିବା ଆମକୁ ସୂଚନା ଦିଆଯାଇଛି। ଏବେ ଆମେ ସୁରକ୍ଷିତ ଭାବେ କେମିତି ପୋଲଟାଭାରେ ପହଞ୍ଚିବୁ, ସେନେଇ ପ୍ରାର୍ଥନା କରୁଛୁ। ସେଠାରେ ପହଞ୍ଚିବା ପରେ ଆମେ ଆଶ୍ୱସ୍ତ ହେବୁ।”
We have already started the evacuation of civilians from Sumy to Poltava, including foreign students.
We call on Russia to agree on other humanitarian corridors in Ukraine.#Ukraine #StopRussianAggression pic.twitter.com/pmjhHLkIrH
— MFA of Ukraine 🇺🇦 (@MFA_Ukraine) March 8, 2022
ପୋଲଟାଭାକୁ ରୁଷ ଓ ୟୁକ୍ରେନ ମିଳିତ ଭାବେ ଗୋଟିଏ ଗ୍ରୀନ କରିଡର କରିଛନ୍ତି। ଏହି ପ୍ରକ୍ରିୟାରେ ଆଜି ସୁମୀ ଓ ଇରପିନରେ ରହୁଥିବା ସାଧାରଣ ଲୋକଙ୍କୁ ସ୍ଥାନାନ୍ତର କରାଯାଉଛି। ଭାରତୀୟମାନେ ମଧ୍ୟ ଏହି ରାସ୍ତାରେ ପୋଲଟାଭା ଯାଉଛନ୍ତି। ୟୁକ୍ରେନ ବୈଦେଶିକ ମନ୍ତ୍ରଣାଳୟ ସୁମୀରୁ ବସ୍ ଯୋଗେ ସାଧାରଣ ଲୋକଙ୍କୁ ସ୍ଥାନାନ୍ତର କରାଯିବା ବେଳର ଭିଡିଓ ପୋଷ୍ଟ କରିଛି।
Happy to inform that we have been able to move out all Indian students from Sumy.
They are currently en route to Poltava, from where they will board trains to western Ukraine.
Flights under #OperationGanga are being prepared to bring them home. pic.twitter.com/s60dyYt9U6
— Arindam Bagchi (@MEAIndia) March 8, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
