କ୍ରାସ୍‌ କରିଗଲା ସେନା ହେଲିକପ୍ଟର, ଥିଲେ ସିଡିଏସ ବିପିନ୍‌ ରାୱତ

ଚେନ୍ନାଇ: ତାମିଲନାଡୁ କୁନ୍ନୁରରେ ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ସେଥିରେ ସିଡିଏସ ବିପିନ୍‌ ରାୱତଙ୍କ ସମେତ ୪ ଜଣ ସେନା ଅଧିକାରୀ ଥିବା ସୂଚନା ମିଳିଛି। ୩ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି। ଘଟଣାସ୍ଥଳରେ ଉଦ୍ଧାରକାରୀ ଟିମ୍‌ ପହଞ୍ଚିଥିବାସୂଚନା ମିଳିଛି।  ଉକ୍ତ ହେଲିକପ୍ଟରରେ ବିପିନ୍‌ ରାୱତଙ୍କ ପରିବାର ସଦସ୍ୟ ଥିବା କୁହାଯାଉଛି।

ତାମିଲନାଡ଼ୁର କୁନ୍ନୁରର ନୀଲଗିରି ନିକଟରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।  ୩ ଜଣ ସେନା କର୍ମଚାରୀଙ୍କୁ ଆହତ ଅବସ୍ଥାରେ ହସପିଟାଲ ନିଆଯାଇଥିବା ସୂଚନା ମିଳିଛି।  କୁହାଯାଉଛି ଉକ୍ତ ହେଲିକପ୍ଟରରେ ୧୪ ଜଣ ଯାତ୍ରୀ ଥିଲେ। ଦୁର୍ଘଟଣାସ୍ଥଳରେ ହେଲିକପ୍ଟରଟି ଜଳୁଥିବା ଓ ସେଥିରୁ ଧୂଆଁ ବାହାରୁଥିବା ଟେଲିଭିଜନ ଫୁଟେଜରୁ ଦେଖିବାକୁ ମିଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।