‘ଦେଶରେ ହିନ୍ଦୁ ବହୁ ସଂଖ୍ୟକ ଥିଲା ଯାଏ ସମ୍ୱିଧାନ ଏବଂ ଆଇନ୍ ରହିଛି’

ଅହମଦାବାଦ: ଦେଶର ହିନ୍ଦୁ ବହୁ ସଂଖ୍ୟକ ଥିଲା ଯାଏ ଆଇନ୍ ବ୍ୟବସ୍ଥା ଏବଂ ସମ୍ୱିଧାନ ରହିଛି। ଦେଶରେ ସମ୍ୱିଧାନ, ଧର୍ମନିରପେକ୍ଷତା ଏବଂ ଆଇନ୍ ସେପର୍ଯ୍ୟନ୍ତ ଚାଲିବ ଯେପର୍ଯ୍ୟନ୍ତ ହିନ୍ଦୁ ବହୁସଂଖ୍ୟକ ହୋଇ ରହିଥିବେ। ଗୁଜରାଟର ବିଜେପି ନେତା ତଥା ଉପମୁଖ୍ୟମନ୍ତ୍ରୀ ନିତୀନ ପଟେଲଙ୍କ ଏହି ବୟାନ ଏବେ ବିବାଦ ସୃଷ୍ଟି କରିଛି। ନୀତିନ ଜଣେ ଉପ ମୁଖ୍ୟମନ୍ତ୍ରୀ ହୋଇ କୌଣସି ଗୋଟିଏ ଧର୍ମକୁ ସମର୍ଥନ କରିଥିବାରୁ ଏହି ବିବାଦ ସୃଷ୍ଟି ହୋଇଛି।

ବିଶ୍ୱ ହିନ୍ଦୁ ପରିଷଦ ଦ୍ୱାରା ଆୟୋଜିତ ଏକ ପ୍ରତିମୂର୍ତ୍ତି ସ୍ଥାପନ ସମାରୋହରେ ପଟେଲ କହିଛନ୍ତି ଯେ ଆମ ଦେଶର କିଛି ଲୋକ ସମ୍ବିଧାନ, ଧର୍ମନିରପେକ୍ଷତା ବିଷୟରେ କଥାବାର୍ତ୍ତା କରନ୍ତି। କିନ୍ତୁ ମୋତେ କହିବାକୁ ଦିଅ ଏବଂ ଯଦି ତୁମେ ଏହାକୁ ଭିଡିଓ ରେକର୍ଡ କରିବାକୁ ଚାହୁଁଛ ତେବେ ରେକର୍ଡ କରିପାରିବ … ଯେଉଁମାନେ ସମ୍ବିଧାନ, ଧର୍ମନିରପେକ୍ଷତା, ଆଇନ ଇତ୍ୟାଦି ବିଷୟରେ ଆଲୋଚନା କରନ୍ତି, ସେପର୍ଯ୍ୟନ୍ତ ସେମାନେ ଏହି ଦେଶରେ ହିନ୍ଦୁ ସଂଖ୍ୟାଗରିଷ୍ଠତା ହାସଲ କରିବେ, ଯେଉଁ ଦିନ ହିନ୍ଦୁଙ୍କ ସଂଖ୍ୟା କମିବ ଏବଂ ଅନ୍ୟମାନଙ୍କ ସଂଖ୍ୟା ବଢ଼ିବ ସେତେବେଳେ ଧର୍ମନିରପେକ୍ଷତା ରହିବ ନାହିଁ, କୋର୍ଟ କଚେରୀ, ଆଇନ ବ୍ୟବସ୍ଥା, ସମ୍ବିଧାନ ସବୁ ପୋତି ହୋଇଯିବ। ଆଉ କିଛି ରହିବ ନାହିଁ।’ ଉଲ୍ଲେଖଯୋଗ୍ୟ, ଏହି କାର୍ଯ୍ୟକ୍ରମରେ ଗୁଜରାଟର ଗୃହମନ୍ତ୍ରୀ ପ୍ରଦିପ ସିଂ ଜାଡେଜା, ବରିଷ୍ଠ ଭିଏଚପି ଏବଂ ଆରଏସଏସ ନେତା ଉପସ୍ଥିତ ଥିଲେ।

ପଟେଲ ପାଖାପାଖି ୩୭ ମିନିଟର ଭାଷଣରେ କହିଛନ୍ତି ଯେ ମୁଁ ସମସ୍ତଙ୍କ ବିଷୟରେ କହୁ ନାହିଁ। ମୋତେ ମଧ୍ୟ ସ୍ପଷ୍ଟ କରିବାକୁ ଦିଅ। ଲକ୍ଷ ଲକ୍ଷ ମୁସଲମାନ ଦେଶପ୍ରେମୀ, ଲକ୍ଷ ଲକ୍ଷ ଖ୍ରୀଷ୍ଟିଆନ ଦେଶପ୍ରେମୀ ରହିଛନ୍ତି। ଭାରତୀୟ ସଶସ୍ତ୍ର ବାହିନୀରେ ହଜାର ହଜାର ମୁସଲମାନ ରହିଛନ୍ତି। ଗୁଜୁରାଟ ପୁଲିସ ଫୋର୍ସରେ ହଜାର ହଜାର ମୁସଲମାନ ଅଛନ୍ତି। ସେମାନେ ସମସ୍ତେ ଦେଶପ୍ରେମୀ ବୋଲି କହି ବିବାଦରେ ତାଳି ମାରିଛନ୍ତି ଉପମୁଖ୍ୟମନ୍ତ୍ରୀ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।