ପାଣାଜି: କୋଭିଡ୍ ମହାମାରୀ ସମୟରେ ମାସ୍କ ନପିନ୍ଧିଲେ ବିଭିନ୍ନ ସରକାର ମୋଟା ଅଙ୍କର ଜରିମାନା ଲଗାଉଛନ୍ତି। ଏମିତି ହେଲେ ମୋଟା ଅଙ୍କର ଜରିମାନା ଭୟରେ ଲୋକେ ସଚେତନ ହେବେ ବୋଲି ଧାରଣା ରହିଛି। ହେଲେ ଗୋଆର ପାଣାଜି ପ୍ରଶାସନ ଏଭଳି ଚିନ୍ତାଧାରାରୁ ବହୁ ଉର୍ଦ୍ଧରେ। ଯିଏ ମାସ୍କ ପିନ୍ଧିନଥିବେ ତାଙ୍କୁ ପ୍ରଶାସନ ଅଟକାଇ ମାଗଣାରେ ମାସ୍କ ଦେବା ସହିତ ସଚେତନ ରହିବାକୁ ପରାମର୍ଶ ଦେଉଛି।
ଗୋଆର ରାଜଧାନୀ ପାଣାଜିରେ ଥିବା ସ୍ଥାନୀୟ ନଗର ପାଳିକା ସଂସ୍ଥା କହିଛି ଯେ ଏଠାରେ କୋଭିଡ ନିୟମ ପାଳନ କରିବାରେ ନଗପାଳିକା ପୁଲିସକୁ ଏହି ଭଳି ଭାବରେ ସାହାଯ୍ୟ କରୁଛି। ପାଣାଜି ପୁଲିସ ଇନ୍ସପେକ୍ଟର ସୁଦେଶ ନାଇକ କହିଛନ୍ତି ଯେ ଲୋକମାନେ ମାସ୍କ ଲଗାଇବା ନିୟମକୁ ଅଣଦେଖା କରୁଛନ୍ତି। ଆମେ ଲୋକଙ୍କ ଉପରେ ଜରିମାନା ଆଦାୟ କରିବା ଠିକ୍ ହେବନି। କିନ୍ତୁ ମାସ୍କ ନିୟମ ଲାଗୁ କରିବାକୁ ପଡ଼ିବ। ତେଣୁ ଯେଉଁମାନେ ମାସ୍କ ପିନ୍ଧିନଥିବା ସେମାନଙ୍କୁ ମାସ୍କ ଦିଆଯାଉଛି।
ଗତ ବର୍ଷ ମଧ୍ୟ ଗୋଆ ସରକାର ଏଭଳି କିଛି ଭିନ୍ନ ନିୟମ ଲାଗୁ କରି ଚର୍ଚ୍ଚାକୁ ଆସିଥିଲେ। ଗୋଆରେ ବିନା ମାସ୍କରେ ଲୋକମାନେ ପେଟ୍ରୋଲ-ଡିଜେଲ ଏବଂ ଦୋକାନରୁ ରାସନ ଦିଆଯାଉ ନଥିଲା। କରୋନା ମହାମାରୀକୁ ରୋକିବା ପାଇଁ ଗତବର୍ଷ ସରକାର ଏଭଳି ନିଷ୍ପତ୍ତି ନେଇଥିଲେ।
ସୂଚନାଯୋଗ୍ୟ, ସାରା ଦେଶରେ କରୋନା ମହାମାରୀ ପୁଣିଥରେ କ୍ଷୀପ୍ର ବେଗରେ ସଂକ୍ରମିତ ହେବାରେ ଲାଗିଛି। ଏହାକୁ ନଜରରେ ରଖି ବିଭିନ୍ନ ସ୍ଥାନରେ ଲକଡାଉନ ଏବଂ ନାଇଟ୍ କର୍ଫ୍ୟୁ ଲାଗୁ ହୋଇଛି। ଦେଶର ମୋଟ୍ ଆକ୍ରାନ୍ତଙ୍କ ମଧ୍ୟରୁ ମହାରାଷ୍ଟ୍ରରୁ ସର୍ବାଧିକ ଆକ୍ରାନ୍ତ ଚିହ୍ନଟ ହେଉଛନ୍ତି। ଗୋଆର ପଡ଼ୋଶୀ ହେଉଛି ମହାରାଷ୍ଟ୍ର। ରାଜ୍ୟରେ ବିଭିନ୍ନ ସ୍ଥାନରେ ନାଇଟ୍ କର୍ଫ୍ୟୁ ସହିତ କୋଭିଡ୍ ଆଇନ୍ ମାନିବାକୁ ସରକାର ନିବେଦନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
