ନୂଆଦିଲ୍ଲୀ: ବେକାକୁ ହେଲାଣି ମହାମାରୀ କରୋନା । ଦିନକୁ ଦିନ କରୋନା ତାର କାୟା ବିସ୍ତାର କରିଚାଲିଛି। ଦେଶରେ ଏବେ କରୋନା ଗ୍ରାଫ ଉପର ମୁହାଁ ରହିଛି। ଗତ ୨୪ ଘଣ୍ଟାରେ ଦେଶରେ ପୁଣି ୯୬ ହଜାର ୯୮୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ଦିନକରେ କରୋନା ଜନିତ ମୃତ୍ୟୁ ସିଂଖ୍ୟା ରହିଛି ୪୪୬ ।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟର ସୂଚନା ଅନୁସାରେ ନୂଆ ମାମଲାକୁ ମିଶାଇ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧ କୋଟି ୨୬ ଲକ୍ଷ ୮୬ ହଜାର ୪୯କୁ ବୃଦ୍ଧି ପାଇଛି। ସେହିପରି ଦେଶରେ ମୋଟ ୧ କୋଟି ୧୭ ଲକ୍ଷ ୩୨ ହଜାର ୨୭୯ ଜଣ ସୁସ୍ଥ ହୋଇଛନ୍ତି। ବର୍ତ୍ତମାନ ଦେଶରେ ସମୁଦାୟ ୭ ଲକ୍ଷ ୮୮ ହଜାର ୨୨୩ଟି ସକ୍ରିୟ ମାମଲା ରହିଛି। ସେହିପରି କରୋନାରେ ଆକ୍ରାନ୍ତ ହୋଇ ମୋଟ ୧ ଲକ୍ଷ ୬୫ ହଜାର ୫୪୭ ଜଣ ପ୍ରାଣ ହରାଇଛନ୍ତି।
ଅନ୍ୟପଟେ କୋରାନାକୁ ମାତ୍ ଦେବା ପାଇ ଦେଶରେ ଟିକାକରଣ ଜାରି ରହିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଦେଇଥିବା ତଥ୍ୟ ଅନୁସାରେ ସୋମବାର ସନ୍ଧ୍ୟା ସୁଦ୍ଧା ୮ କୋଟି ୩୧ ଲକ୍ଷ ୧୦ ହଜାର ୯୨୬ ଜଣଙ୍କୁ ଟିକା ଦିଆ ସରିଛି।
https://twitter.com/ANI/status/1379293201052262402?s=20
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
