ଯାତ୍ରୀଙ୍କୁ ଆଶ୍ୱସ୍ତି, ଆଉ ଦେବାକୁ ପଡିବନି ‘ଏୟାର ସୁବିଧା’ ଫର୍ମ

ନୂଆଦିଲ୍ଲୀ: ବିମାନରେ ବିଦେଶରୁ ଭାରତ ଆସୁଥିବା ଯାତ୍ରୀଙ୍କୁ ଆଶ୍ୱସ୍ତି। ଏୟାରପୋର୍ଟରେ ସେମାନଙ୍କୁ ଆଉ ଦେବାକୁ ପଡିବନି ଏୟାର ସୁବିଧା ଫର୍ମ। ବେସରକାରୀ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଆଜିଠାରୁ ଏହି ନିର୍ଦ୍ଦେଶ ଲାଗୁ କରାଯାଇଛି। ବିଦେଶରୁ ଭାରତକୁ ଆସୁଥିବା ସମସ୍ତ ଯାତ୍ରୀଙ୍କୁ ବିମାନରୁ ଓହ୍ଲାଇବା ପରେ ସେମାନଙ୍କ କୋଭିଡ୍ ଟିକାରଣ ସ୍ଥିତି ନେଇ ଏୟାର ସୁବିଧା ଫର୍ମ ପୂରଣ କରି ଦେବାକୁ ପଡୁଥିଲା। ଏହି ଫର୍ମର ରେଜିଷ୍ଟ୍ରେସନ ନମ୍ବର ମିଳିବା ପରେ ହିଁ ଯାତ୍ରୀ ବିମାନ ବନ୍ଦରରୁ […]

for-international-passengers

for-international-passengers

Madhupriya Mistry
  • Published: Tuesday, 22 November 2022
  • Updated: 22 November 2022, 09:26 AM IST

Sports

Latest News

ନୂଆଦିଲ୍ଲୀ: ବିମାନରେ ବିଦେଶରୁ ଭାରତ ଆସୁଥିବା ଯାତ୍ରୀଙ୍କୁ ଆଶ୍ୱସ୍ତି। ଏୟାରପୋର୍ଟରେ ସେମାନଙ୍କୁ ଆଉ ଦେବାକୁ ପଡିବନି ଏୟାର ସୁବିଧା ଫର୍ମ। ବେସରକାରୀ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଆଜିଠାରୁ ଏହି ନିର୍ଦ୍ଦେଶ ଲାଗୁ କରାଯାଇଛି।

ବିଦେଶରୁ ଭାରତକୁ ଆସୁଥିବା ସମସ୍ତ ଯାତ୍ରୀଙ୍କୁ ବିମାନରୁ ଓହ୍ଲାଇବା ପରେ ସେମାନଙ୍କ କୋଭିଡ୍ ଟିକାରଣ ସ୍ଥିତି ନେଇ ଏୟାର ସୁବିଧା ଫର୍ମ ପୂରଣ କରି ଦେବାକୁ ପଡୁଥିଲା। ଏହି ଫର୍ମର ରେଜିଷ୍ଟ୍ରେସନ ନମ୍ବର ମିଳିବା ପରେ ହିଁ ଯାତ୍ରୀ ବିମାନ ବନ୍ଦରରୁ ବାହାରି ପାରୁଥିଲେ। ଏବେ ଆଉ ଦେବାକୁ ଏହା ପଡିବ ନାହିଁ। ଏହି ଫର୍ମ ବ୍ୟବସ୍ଥାକୁ ରଦ୍ଦ କରିଛନ୍ତି ସରକାରଙ୍କ ବେସରକାରୀ ବିମାନ ଚଳାଚଳ ମନ୍ତ୍ରାଳୟ।

କରୋନା ମହାମାରୀ ସମୟରେ ଏୟାର ସୁବିଧା ପୋର୍ଟାଲର ଆରମ୍ଭ କରାଯାଇଥିଲା। ଏଥିରେ ବିଦେଶରୁ ଆସୁଥିବା ସମସ୍ତ ଯାତ୍ରୀଙ୍କ ଯାଆସର ପୁରା ତଥ୍ୟ ରଖାଯାଉଥିଲା। ଏବେ ସାରା ବିଶ୍ୱରେ କୋଭିଡ୍ ସ୍ଥିତିରେ ପରିବର୍ତ୍ତନକୁ ନେଇ ଏହି ନିଷ୍ପତ୍ତି ନେଇଛନ୍ତି ସରକାର। କୋଭିଡ୍ ସ୍ଥିତିକୁ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କଟକଣା ହଟାଇବା ପରେ ବିମାନ ଯାତ୍ରା ଲାଗି ଥିବା ଏହି ଫର୍ମ ପୂରଣ ବ୍ୟବସ୍ଥାକୁ ମଧ୍ୟ ହଟାଇ ଦିଆଯାଇଛି।

ଏୟାର ସୁବିଧା ଫର୍ମ ପୂରଣ ବ୍ୟବସ୍ଥାକୁ ହଟାଇବାକୁ ହୋଟେଲ ଶିଳ୍ପ ଏବଂ ଟ୍ରାଭେଲ ସଂସ୍ଥା ଦାବି କରି ଆସୁଥିଲେ। ଏହା ପୂର୍ବରୁ ବିମାନରେ ମାସ୍କ ପିନ୍ଧିବା ବାଧ୍ୟତାମୂଳକ ନିୟମକୁ ମଧ୍ୟ ହଟାଇ ଦେଇଛନ୍ତି ସରକାର। ତେବେ ଆବଶ୍ୟକ ପଡିଲେ ନିୟମକୁ ପୁଣି ଲାଗି କରାଯାଇପାରେ ବୋଲି କହିଛି ମନ୍ତ୍ରାଳୟ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos